Otea 13:14 - Te B'aib'ara

¹⁴ E bon riai Irou Ngai ae te UEA b'a N na kamaiungkami man te mate ma te ruanimate? I aki! I wetea te mate ma te ruanimate b'a e na oreingkami kaanga rokon te kai. I rawa ni kaota te nanoanga.

Otea 13:14 ပူးပေါင်းရင်းမြစ်များ

Iobi 33:24

E na nanoangaia te anera, ao e na kaangai, “Kainaomata! A aki riai b'a a na nako abaia maate. A na bon kainaomataaki.”

Iobi 41:22

E rangi n korakora roroana n te aro are a bane ni maaku ake a kaitibo ma ngaia.

Taian Areru 16:10

i bukina b'a Ko kaawakinai man m'aakan te mate. I a tia ni m'akuri i bukim ma te kakaonimaki, ao Ko aki kiitanai i abaia maate.

Taian Areru 30:3

Ko kawakinai man te ruanimate; Ko kamaiuai ngke I a kani mate.

Taian Areru 49:15

Ma E na kamaiuai te Atua; E na kamaiuai mani m'akan te mate.

Taian Areru 49:16

E na aki rawaawata nanom ngkana e riki ni kaub'ai temanna, Ngkana e rikirake ni bati kaub'aina;

Taian Areru 71:20

Ko a tia ni karoko kaangaanga i aou ma baika I a tia ni karawaawataaki iai, Ma Ko na manga kaoka nako iu marurungiu; Ko na kawakinai man te ruanimate.

Taian Areru 86:13

Ai batiraa am Tangira nako iu! Ko a tia ni kamaiuai ngke N nangi mate.

Itaia 25:8

E na kamaunaa m'aakan te mate te UEA ae Moan te M'aaka ao e na kaoi rannimata ni kabane. E na akea te tabo ae e na manga karawaawataaki iai ana Aomata Bon ana taeka te UEA!

Itaia 26:19

A na manga maiu am aomata! Tuangiia b'a a na kiitan ruanimateia ao a na kukurei ni bukamaru ma n takaarua. Ko kabooua te aonnaba kaanga aoin te ingabong; ko anga te maiu nakon te mate.

Ieremia 15:6

Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

Ieremia 20:16

Ke e riki te mm'aane anne b'a kaanga aron taiani kaawa ake Ko kamaunai n akea te nanoanga teutana. Ke e ongo taian takaarua ni kakatauraoi n te moaningabong ao kakarongoaan te buaka n te tawanou.

Ieremia 31:35

Bon te UEA Ngai ae Moan te M'aaka. I tuanga taai b'a e na anga te oota ni katoa bong, nam'akaina ao itoi b'a a na oota n te tairiki, ao naao b'a a na rurunga.

Etekiera 37:9

Ao i mwiina, E taku te UEA: Etekiera, ko na kaangai ngkai nakon te ang, “E tuangko te UEA b'a ko na uki man taabo nako ao ko na uka te ikeike ni maiu nakon taian rab'ata aika a mate aikai, b'a aonga ni manga maiu.”

Otea 6:2

Ai ti uabong ke tenibong riki ao e a kamaiura ma ni kaoki korakorara b'a ti aonga ni manga maiu ma Ngaia.

Otea 7:10

Bon te UEA Ngai ae Atuaia, ma a aki konaa n rairaki nako iu n aia kangaanga ni kabane i bukin aia kainikatonga.

Maraki 3:6

Kanoan Iakob'a, bon te UEA Ngai ae Moan te M'aaka, ao I aki konaa ni bitaki. Bon anne bukina ngkai kam tuai man uotaki nako,

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

I-Rom 11:15

B'a ngkana e riki kaakan taekaia b'a aroia aomata nako n riki b'a raoraon te Atua, ao tera ngkanne aroia ngkana a manga butim'aeaki? Kaanga ai aroia maate ake a manga uti.

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

2.I-Korinto 5:4

B'a ngkai ti boni mena naba n te um'a n rianna aei, ao ti ngirangira ngkai ti rawawata; tiaki ngkai ti kani kaki mai aora karabaara, ma ngkai ti kani manga karina karabara teuana i aora, b'a e aonga n oongaki te baere e mamate n te maiu.

I-Biribi 3:21

are E na oniki rab'atara aika mangori, b'a a na riki n ai aron rab'atana ae mimitong, ni kabonganaan te m'aaka are E kona iai n tauu taekani b'aai ni kabane.

1.I-Tetaronike 4:14

B'a ngkana ti kakoaua b'a E mate Iesu ao E a manga uti, ao ti boni kakoaua naba b'a te Atua E na kairiia b'a raon Iesu te koraki ni kabaneia ake a tia ni mate ake a onimakina Iesu.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Te Kaotioti 20:13

Ao marawa e anga maate ake i nanona; te Mate ma Eriti a anga naba maate ake i nanoia; ao a bane maate aikai ni motikaki taekaia ni kaeti ma baike a tia ni karaoi.

Te Kaotioti 21:4

E na kabane rannimataia te Atua ni kaoi mai mataia; ao akea te mate ae na riki, ao e na akea naba te nanokawaki, ma te tang, ma te maraki: b'a a mauna nako b'aai nikawai.”

Te Kaotioti 6:8

Ao I taratara nako, ao noria, te aoti ae maii! Ao aran teuare toka i aona te Mate; ao e ririmwiaki iroun Eriti. A a anganaki te tauu taekani kaa m'akoron aonnaba, b'a a na kamateia aomata n te kabaang, ao n te rongo, ao n te aoraki ae kamamate, ao irouia manin aonnaba aika kaakang.

1.Tamuera 15:29

Ao i rarikin anne, bon tiaki te aomata Atuaia Iteraera ae akea tokina E aki taetaekina te kewe ke ni bibitaki nanona.”