Otea 13:13 - Te B'aib'ara

¹³ Ti te bo ngkami ma te ataei ae akea ana iango ae e rawa ni bungiaki ngke e roko raoi ana tai ni bungiaki.

Otea 13:13 ပူးပေါင်းရင်းမြစ်များ

2.Uea 19:3

Bon taai ni kangaanga ao taai n nanokawaki taai aikai. Kaanga ai aron te aine ae e ngore ni bungiia natina, ngke e a roko ana tai ni bungiia natina.

Taian Areru 48:6

A taonaki n te maaku ae korakora, kanga ai aroia aine aika nangi bung;

Taeka n Rabakau 22:3

Ngkana kam noora te kangaanga ae e roko ao tai nanobaba ni m'ananga ni kainetia kaiangoraoiko ao karabako mai iai.

Itaia 13:8

A na bane ni ruru aomata n te maraki kaanga te aine ae e ariri ni bung; ane ana taraia i bon irouia ma te mata ni maaku.

Itaia 21:3

E a rangi ni korakora marakiu kaanga te aine ae e ariri ni bungiia natina. I tiaoki mani ikoaki korakora n te aro are I a bonotaninga ke n aki noraaba.

Itaia 26:17

Ti maraki n ai aron te aine ae e nang bung i bukin te b'ai are ko a tia ni karaoia nakoira.

Itaia 37:3

Itaia, bon taai aika a matoatoa ma ni bubuaka taai aikai. Ti te bo ara botannaomata ma te aine ae akea korakorana ni bungiia natina, ngke e a bon roko ana tai ni bungiia natina.

Itaia 66:9

Bon te UEA ae E kanakoraoa te bung. Ao E na bon nooria b'a e na karikiia natina aika a bati Tion. Boni Ngai ae te UEA ae I taetae.

Ieremia 13:21

Kam onimakiniia ngkoa n te tai teuana b'a a na buokingkami ma ngkai N na karaoia b'a a na tautaekaningkami. Tera ami taeka i bukin anne? Kam na maraki kaanga te aine ae e ariri ni bung.

Ieremia 22:23

A na mangoo n tang ma te maraki kaanga te aine ae e bung akana a maeka n te bareti ae e rabunaki wintoona n te tiira.

Ieremia 30:6

E konaa ni bungia natina te mm'aane? Ao e aera ngkai I nooriia b'a a rangi ni mainarake ma n tautaua birotoia kaanga te aine ae e ariri b'a e nang bung?

Ieremia 4:31

I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”

Ieremia 49:24

Ngkami aika kaain Tamateko e a tia ni bua ninikoriami, ao kam na rairaki n iakaka ni biri nako, ma n tauaki n te maaku ao te maraki.

Otea 5:4

Ami m'akuri aika a buakaka boni ngaai bukin aki okimi nako iu Ngai ae te UEA ae te Atua. Kam aki kona n ataai i bukin teimatoan tangiran te wene ni bure iroumi.

Ioane 16:21

Ngkana e a kani bung te aine, ao e nanokawaki, b'a e a roko ana aoa ni maraki; ma ngkana e a tia ni bungia natina, ao e m'aninga taekani marakina, i bukini kukureina b'a e a bungiaki te aomata nako aon te aba.

M'akuri 24:25

Ao ngke e kakarabakauakina taekan te raoiroi ma te taubaang ma te motiki-taeka are na roko, ao e taonaki n te maku ae bati Berika, ao e taku, “Ko na nako moa ngkai; ao ngkana e reke au tai, ao N na manga weteiko.”

2.I-Korinto 6:2

b'a E kangai te Atua, “I ongo i roum n te tai ae riai, Ao I buokiko n te bongi ni kamaiu.” Noria, ngkai te tai ae riai; noria, ngkai te bongi ni kamaiu.

Te Tua-Kaua 32:6

Bon te UEA tamami, Iteraera, are E boni karikingkami, ma kam kabooa mwiin karikami ni m'akuri ni baba.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.