Otea 12:6 - Te B'aib'ara

⁶ Ma ngaia are, ko na okira Atuam. Onimakinna ma te taotaonaki n nano, ao kaota nakoina te tangira ma te eti.

Otea 12:6 ပူးပေါင်းရင်းမြစ်များ

Karikani B'aai 49:18

“I tataningaa am m'akuri ni kamaiu te UEA.

Taian Areru 123:2

Tooro aki toki n tataara aia m'atita, ma ngaira ti na bon teimatoa n tataraiko, ni karokoa e na bon mena am nanoanga i aora.

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Taian Areru 37:7

Taotaona nanom ao kaantaninga te UEA; Tai kabonoa nanom irouia akana rikirake kab'aiaia, Ke irouia akana kokoro bukin aia iango nako aika bubuaka.

Te Otinako 3:15

Ko na tuangiia b'a bon te UEA Ngai ae Atuaia aia bakatibu, Atuan Aberaam, Itaaka, ao Iakob'a, ae I kanakoko nako ia. Bon aei arau n aki toki, Aio arau ae a na aranai iai rooro aika rimwi.

Taeka n Rabakau 1:23

Ongora ngkana I boaingkami ma n tuangkami te b'ai ae I iangoia.

Taeka n Rabakau 21:3

Karaoan ae e raoiroi ao ae e riai e boni kakukureia riki te UEA nakon te angab'ai.

Itaia 1:16

Tebokingkami ni kaitiakingkami! I a rangi n ribai ami m'akuri aika a buakaka. Ani katoka karaoan te kaairua.

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Itaia 31:6

Kaain Iteraera, ooki! Ko a tia n rairaki nako mai roun te UEA.

Itaia 40:31

Ma e na manga reke te korakora ae boou irouia akana a onimakina te UEA. A na korakora kaanga ikare a na betiraoi i aoni baiia ni kiba; a na nakonako ao a na biribiri ao a na aki kua.

Itaia 58:6

N na tuangngkami nanon raoi taromaurian te UEA. Kanakoi tieiniia buure ake a kabaeaki n te aro ae e aki eti. Kainaomataia akana a kabuakakaki!

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

Ieremia 22:15

Ngkana ko kabatiaa te kai te tiira n am bareti e bon aki konaa ni karikiko naba b'a te uea ae e raoiroi riki nakon tamam are Iotia. E kakaraoa te raoiroi n taai nako e anga te motikitaeka ae eti nakon te aomata ae e kainano ao te aomata ngaia ae e raoiroi.

Etekiera 18:30

N na motikitaekami n tatabemaningkami nako ni kaineti ma te b'ai are kam a tia ni karaoia. Ma ngaia ae kam riai ni katoka karaoan ae e bure, b'a kam kaawa ni bon katuaaeaki.

Otea 10:12

Kamaraua am tawaana nako. kamaae atin te motikitaeka ae eti, ao taia te kakaonimaki. Taromauriai, Ngai ae te UEA, ao N na kanakoa m'aakau ni kakamaiu ni kab'aka kaanga te karau.

Otea 14:1

Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

Otea 4:1

Ongora, Iteraera ngkai E bukiniia aomata nako te UEA aika i nanon te aba! Bon akea temanna ae e onimakinaki ke kakaonimaki ke n tabeakina raoi te Atua.

Ioera 2:12

E taku te UEA: E tuai ni b'aka nako taina. Kam bon konaa naba n okirai ma nanomi ni kabane. Moana tangimi ma tanginiwenei! Kam na aki am'aam'arake.

Ioera 2:13

Kam na aki raeraei kunnikaimi i bukin kaotan nanokawakimi. Ma kam na okirai ma nanomi aika a uruaki. I nanoanga, I akoi, ao I areare. I aki kakai un, ao I aki tangira te karekekai.

Amota 4:13

Bon te Atua ae karaoi taian Maunga ao E karikii naba aang. E kaoti ana iango nakoia aomata E onika te ngaina nakon te tairiki ao n nakonako i aon tabuki. Bon te UEA Ngai ae E m'aaka!

Amota 5:24

Ma ke e raanga rio te kaetitaeka ae ai aron te karaanga ae aki kona ni b'atakataka.

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Mika 7:7

Ma ngai, N na tarataraa te UEA, ao N na boni kariaria te Atua ma te onimaki, b'a E na boni kamaiuai. E na bon ongo irou.

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Tekaria 1:3

Ma ngkana kam okirai, ao N na rairaki ni buokingkami.

Tekaria 7:9

“Kakoaua raoi b'a e na karaoaki raoi te eti ao b'aina te akoi ao te nanoanga i marenami nako!

Tekaria 8:16

Ma kam riai n b'ab'aina te koaua i marenami n tatabemaningkami nako, ao kam na anga te babaaire ae e eti n te kabowi are e na karekea te rau.

M'akuri 2:38

Ao e taku Betero nakoia, “Rairi nanomi, ao kam na bane ni b'abetitoaki n aran Iesu Kristo i bukini kab'araan ami bure; ao kam na anganaki te b'ai n tituaraoi are te Tamnei are Raoiroi.

M'akuri 26:20

ma I tuangiia moa I-Tamateko, ao rimwi I-Ierutarem ma I-Iutaia ni kabaneia, ma aomata naba ake tiaki I-Iutaia, b'a a na rairi nanoia n rairaki nakon te Atua, ao ni karaoi m'akuri aika a na kaotiia iai b'a a tia n rairi nanoia.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.