Otea 12:13 - Te B'aib'ara

¹³ I kanakoa te burabeti are Moote b'a e na kairiia Iteraera mai Aikubita ma ni kaawakiniia raoi.

Otea 12:13 ပူးပေါင်းရင်းမြစ်များ

Karikani B'aai 28:2

Ko na nako Metobotamia, nakon ana auti tibum are Betuera, ao karekea buum ikekei, temanna mai buakoia natin Raab'an aine.

Karikani B'aai 29:20

Ao e m'akuri Iakob'a b'a e aonga n anganaki Nei Rakera, ao ti te bo ma ti tabebong i rouna i bukin tangiran Nei Rakera.

Taian Areru 77:20

Ko kairiia am Botannaomata irouni Moote ma Aaron, kanga ai aron te tia kawakin-tiibu ngkana e kaira te nanai n tiibu.

Te Otinako 13:3

Ao E taku Moote nakoia aomata, “Kam na ururinga te bong aei, te bong are kam kiitana iai Aikubita, are te tabo are kam toronaki iai. Bon aio te bong are E kaotinakoingkami iai te UEA ni m'aakana. Bon akea te kariki ae karikaki ae na kanaki.

Te Otinako 14:19

Ao E a manga nako aneran te UEA are memena i moaia tautian Iteraera nako ni mena mai buki. Ao e m'aing nako naba te boua te nang ni karokoa

Otea 11:1

Ngke e uarereke ngkoa Iteraera, I tangiria, ao I wetea natiu te m'aane ni kaotinakoa mai Aikubita.

Otea 2:15

N na kaoka am nnenaroka ni kureebe, ao i mwiina te M'arua are Kangaanga are e na riki b'a M'aruan te Kantaninga. Ane ko na kaangai “Eng” nako iu n aron are ko karaoia ngkoa ngke ko kairake, ngke ko kiitana Aikubita.

Mika 6:4

I kaotinakoingkami mai Aikubita; I kamaiungkami man te tautoronaki; I kanakoa Moote, Aaron, ao Miriam b'a a na kairingkami.

Warekaia Iteraera 12:8

E norai, ao n i taramata ma ngai, ao b'aai ni kabane ake I tuangnga a teretere raoi. Ao bon akea riaimi ni ngureakina Au tia m'akuri ae Moote.”

Te Tua-Kaua 26:5

Ao i mwiina, kam na tei i matan te tabo n taromauri, ao kam na tataro ni kaangai: Bon akea aia auti ngkoa au bakatibu, kaain Aram ake a nako ni maeka i Aikubita. Bon te utu ngkoa ngaiia ao ti tabeman ngaiia i abaia, ma a rikirake m'aitiia ao korakoraia, bon te botannaomata ngaiia ae kauaomata.

1.Tamuera 12:8

I mwiin nakon Iakob'a nako Aikubita, ao a tang ami bakatibu nakon te UEA i bukin buokaia, ao E kanakoa Moote ma Aaron te UEA. Ao a kairiia ami bakatibu mai Aikubita ao E katekatekaia n te aba aei.