Otea 11:2 - Te B'aib'ara

² Ma e taku te taeka, “M'aitin weteakiia, bon m'aitin aia kamangao.” A aki konaa ni katoka aia m'akuri n anga te b'ainikaboiarara ao taian karea nakon bouanantin B'aara.

Otea 11:2 ပူးပေါင်းရင်းမြစ်များ

1.Uea 18:19

Weteia aomata ni kabane i aon Iteraera ao tuangiia b'a a na kawarai i taubukin te Maunga are Karemera. Ao ko riai naba n kairiia ana burabeti B'aara ake 450 ao 400 ana burabeti Nei Aatera ake a am'am'arake n ana taibora Nei Ietebera.

Neemia 9:30

Ko teimatoa n taotaona nanom, ao Ko kauringiia n Tamneim n ririki aika a m'aiti n am rongorongo ake Ko taekin rinanoia am burabeti. Ma a bon teimatoa naba n rawa n ongo, ao Ko anga ngaiia nakoia aia kairiribai.

Itaia 65:7

Bon Ngai ae te UEA ae N na karaoia b'a a na kabooa mwiina i bukin aia bure nako ao i bukiia aia bakatibu a tia ni kab'ainrangai ngke a kabuoki taian b'aini kaboiarara i aon taiani maunga.

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 35:13

I tangiringkami Ngai ae te UEA ae Moan te M'aaka ae Atuaia Iteraera, b'a kam na karekea reireiami

Ieremia 44:5

ma a rawa n ongo ao a aki kan toki n taromauriia anti tabem'aang.

Otea 11:7

A tia n iangoia Au aomata b'a a na katinanikuai i bukin te anti ae a taku b'a e korakora riki, ma e bon aki konaa ni buokiia.

Otea 2:13

N na katuaaea i bukin boong ake e taromauria iai B'aara ao e kabuoki taiani b'ai ni kaboiarara nakoina. N na katuaaea i bukin boong ake e m'aninga iai taekau ma ni karin taiani b'ai ni katamaroa ao taian m'am'a i bukin kab'akaia ana tangira nako. Bon aei Au taeka Ngai ae te UEA!

Otea 4:13

Kam anga karea i aon taubukin maunga ma tabuki, i aan aroka aika taian oke, ao taabo nako ike a tamaroa nuuia. Oin natim aika aine ao aika ai natim aine a kaboonakoi rab'ataia i bukin te wene ni bure.

Otea 4:17

Ngkami aika Iteraera kam a katamaroaaki n taian bouananti. Katikuia n aroia aomata akanne!

Tekaria 1:4

Kam na aki taningabono n aroia ami bakatibu. A kauringaki irouia burabeti ake mai m'aaina b'a a na kaaki aia m'akuri aika a buakaka ma n okirai, ma a bon aki kan tabe.

Tekaria 7:11

Ma aomata nako aika a ongo irouia burabeti aikai, a bon taningabono ma n rawa ma n aki ongotaeka irou.

Ruka 13:34

“Ngkami, aika kaain Ierutarem, aika kam aki toki ni kamateia burabeti ao kam karebanaia ake a kanakoaki nako imi! Ai m'aiti ra au kani boboti ngkami, n ai aron te moa aine, ngkana e botiia natina i aani baina, ma kam rawa!

Ioane 3:19

Ao aio te b'ai ae e motikaki taekan te aba iai: b'a e a roko te oota i aon te aba, ao aomata a tangira riki te roo nakon te oota, i bukina ngkai a bubuaka aia m'akuri.

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

Tani Motiki-taeka 10:6

I nanon te tai ae aki maan, ao a manga moanna n aki ongotaeka Iteraera nakon te UEA ni manga taromauriia B'aara, Nei Atiterota, ao atuan Turia, Titon, Moaaba, Ammon, ao Biritia.

Tani Motiki-taeka 3:7

Ao a bure Iteraera i bukina ngke a m'aninga taekan te UEA ma n taromauriia bouanantin B'aara ao Nei Aatera.