Ob'aria 1:7 - Te B'aib'ara

⁷ E a tia ni kam'aneko am itabon; a tia ni karekea te anga are ko na kitana iai abam. Aomata aika ko iraorao ma ngaia, bon ngaia aika a na ekinakoko. Raraom aika ko itabon am'arake ma ngaiia, bon ngaiia aika a na kam'aneko; A kakanikoko ao a kaangai, ‘E ngaa te baere rabakaum?’

Ob'aria 1:7 ပူးပေါင်းရင်းမြစ်များ

Taian Areru 41:10

Te UEA, Ko na nanoangaai, ao kamaiuai man aorakiu, B'a I aonga ni kaboa mwin aia m'akuri nako iu.

Taian Areru 41:9

Ao e eekainako naba te aomata ae bon raou ni koaua ae I onimakinna, ae raoraou n am'am'arake.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Ieremia 20:10

I ongo aia maningongoo aomata ae e kaangai, “A bane ni maaku aomata nako. Ara tai ngkai ni bukina Ieremia!” Akea te b'ai riki ae a karaoia raoraou ake I tataneiai ma ngaiia b'a ti tataningaan b'akau. A taku, “Tao e na bon konaa ni kam'aneaki Ieremia. Ao i mwiina, ti kab'aka ao e na booraoi arora ma ngaia rimwi.”

Ieremia 30:14

A bane ni m'aninga taekami raraomi; a aki manga tabe ma ngkami. I a tia ni buakaningkami kaanga te kairiribai; ao e rangi ni kamaraki katuaaeami i bukina ngkai a m'aiti ami bure ao a rangi ni korakora buakakami.

Ieremia 38:22

ao ane a na uotaki nako ainen am bareti b'a taenikai irouia ana mataniwi Nebukaneta. Ao ane a na kaangai aine aikai nakoim: A kairiko nako raoraom aika ko onimakiniia. Ao ngkai ko a m'ane n te bokaboka, ao a tia n rairaki ni kiitaniko raoraom ake ko onimakiniia.

Ieremia 4:30

Ierutarem, e a tia ni kamaunaaki abam Ma kam riki b'a kaanga ainen mataawa ao kam kataia ni manga kaokiia ami tangira, are a ribaingkami ngkai. Ko konaa ni karina te kunnikai ae e uraura, te b'ai ni katamaroa, ao karooroan te mata, ma ai bon akea manenaia A a oti nako am tangira b'a a na tiringko!

Ieremia 49:7

Aio te b'ai ae taekinna te UEA ae Moan te M'aaka i bukin Etom: E a tia ni mauna nako te wanawana ma te iango raoi mai Teman. N nang karokoa te kabuanib'ai ni katuaaingkami ngkami aika ana kariki Etau,

B'aeb'aeti 1:19

I weteia au itabon n tautaeka ma a rawa ni buokai. A mate taian ibonga ma taan kairiiri i nanon kawain nuukan te kaawa, i bukin kakaean kanaia are a na maiu iai.

Otea 13:13

Ti te bo ngkami ma te ataei ae akea ana iango ae e rawa ni bungiaki ngke e roko raoi ana tai ni bungiaki.

Otea 7:11

Iteraera bon te mannikiba ae akea ana namakin, e kibakiba ni kawaekoa i marenan Aikubita ao Aturia.

Ioane 13:18

I aki taekiningkami ni kabaneingkami, I ataiia aika I a tia n rineia; ma e na kakoroaki nanon are taekinaki n te B'aib'ara ni kaangai: “Te aomata ae I am'arake ma ngaia, e riki b'a te tia kam'aruaai.”