Ob'aria 1:18 - Te B'aib'ara

¹⁸ Aia botannaomata Iakob'a ma Ioteb'a a na riki kaanga ai aron te ai; A na kamaunaia kanoan Etau n ai aron te nikira ni uita i aontano ngkana e buee. Bon akea nikiraia kanoan Etau aika ana tiku ni maiu. Bon Ana taeka te UEA!

Ob'aria 1:18 ပူးပေါင်းရင်းမြစ်များ

2.Tamuera 19:20

I ataia b'a I bon bure. Ao bon anne bukina ngkai I tangiria b'a N na riki b'a te moan aomata ngai mairouia kaain barongan meaang ni kaaitibo ma ngkoe.”

Te Otinako 5:12

Ao a nakonako toro i aon Aikubita ni kabutaa ni kakaaea te uteute.

Itaia 10:17

E na onikaki te Atua ae e tabu, are ootan Iteraera, ao ko na urarake n te bong teuana kaanga te buakonikai ae e kateketeke.

Itaia 31:9

A na b'aka aia nono Ngkana e oroia te kangaanga ao ane a na maaku aia aobitia ma ni biri nako man te buaka. Bon aei te b'ai ae e a tia n taekinna te UEA, are e karaoaki ana nnenikanaiai i aon te Maunga are Tion.

Itaia 47:14

Bon akea te b'ai ae a konaa ni karaoia aomata aika a onimakini taian itoi kaanga taian uteute i nanon te ai ae e ura. Bon akea naba ae e konaa ni kateimatoa n aangnga, i rarikin te ai ae e ti am'arake ma n te uteute.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Itaia 9:18

E raababa nako te buakaka kaanga te buakonikai ae e urarake mani kabuoki taian buakoako ni kai aika a kateketeke ma ni kawaerakea te bubu.

Itaia 9:19

E rangi ni un te UEA ae Moan te M'aaka ao e kabonganaiia b'a kaanga te b'aa ni kanaiai are e tiringa aon te aba. A manga bon rairi buareia i bon irouia

Ieremia 11:23

Ao ngkana e tia ae N na karaoia, ao a na bon akea temanna man aia utu ae e na tiku ni maiu.

Etekiera 37:16

Etekiera ae natin te aomata, anaa te kai ao korea i aona ae e kaangai, “Te abanuea are Iuta.” I mwiina, ko na anaa te kai riki teuana ao korea i aona ae e kaangai, “Te abanuea are Iteraera.”

Etekiera 37:19

ao tuangiia b'a N na manga tomai n ti teuana kain Iteraera ma kain Iuta. N na taui n ti teuana i nanoni baiu, ao a na riki n ti teuana.

Ioera 2:5

A rurunga i aon taiani maunga kaanga karongoaia taian kaa ni buaka, ke taani buaka aika a korakora aika a tauraoi nakon te buaka. Bon ain te buakonikai ngaiia aika a kaakana boton uteute ae e m'au.

Amota 1:8

N na kam'aeia nako taan tautaeka n te kaawa ae Atitota ao Atikeron. N na orea te kaawa ae Ekeron, ao nikiraia I-Biritia ake a maiu ana bane ni mate.”

Amota 5:15

E ririiba te buakaka, ao e tangira te eti, ao n taraia b'a e na karaoaki te kaetitaeka ae riai n tain te bowi. E na bon kona te UEA n nanoangaia botannaomata ake a tiku ni maiu.

Amota 6:6

Kam momooi wain n taian boora ao kam kabiri ngkami ni kabira aika a rangi ni boiarara, ma kam aki nanokawaki i bukin uruan Iteraera,

Ob'aria 1:16

A tia ni mooi au Aomata ni m'angkon oreia ae kamangingi i aon Au tabuki are e tabu Ma botannaomata aika katobibira ana bane ni mooi n te mooi ae maai ae m'angkon te katuaaeaki; ana mooi ni kabanea n akea nikirana.

Mika 5:8

A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

Naum 1:10

Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Tekaria 12:6

N na kariaia te baronga are Iuta n te tai anne b'a e na riki b'a te ai ae e mronron n te b'ariko ni kai ke te tooti ae e ura ni b'ariko n uteute aika a baaireaki raoi. Ao i mwiina, e na kaurarakei botannaomata ake a katobibia Iuta. Ao e na manga waekoa n okira arona te kaawa are Ierutarem n onrake n te aomata.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

1.I-Korinto 3:12

Ngkana e kateitei te aomata i aon aana aei, n te koora, ke n te tirewa, ke n atibu aika kakawaki, ke n te kai, ke n te uteute, ke n te maange,