Neemia 9:34 - Te B'aib'ara

³⁴ A tia ara uea, ara taani kairiiri, ao ara ibonga n aki ongotaeka nakon am tua ke n ongotaeka nakon am kauring nako.

Neemia 9:34 ပူးပေါင်းရင်းမြစ်များ

2.Uea 17:13

Ma ngaia are, E tuangiia burabeti te UEA b'a a na bon riai ni kauringiia Iteraera ao Iuta n taeka aikai, Boni Ngai ae te UEA, ao I tuangkami b'a kam na katoka karaoan taiani bure, ma ni manga moana te ongotaeka nakon Au tua ma au reirei. I anganiia ngkoa ami bakatibu, ao I a manga tuangiia Au taani m'akuri ake burabeti b'a a na manga kaoki n taekini nakoimi.

2.Uea 17:15

A katinanikua ana taeka ni kauring te UEA ma ana babaaire, ao a kaaki taekan te boraraoi are e a tia ni karaoia ma aia bakatibu. A taromauri bouananti ake akea maneia, ao a boni kakeai manenaia. E a tia n tuangiia b'a a na aki katotoongia botannaomata ianena ake i rarikiia ni b'aai aika a karaoi, ma a aki ongo Iteraera b'a a boni katotoongia naba.

2.Rongorongo 29:6

A aki kakaonimaki tabeman ara bakatibu ao a aki ongotaeka naba iroun te UEA ae Atuara. A aki ti tannako mairoun te UEA ma a bon aki karinea naba ana Tembora.

Etira 9:10

Atuara, tera ae ti na konaa n taekinna ngkai? E ngae ngke ko a tia ni karaoi baikai, ma ti a tia naba n aki ongotaeka nakon am babaaire nako

Neemia 9:30

Ko teimatoa n taotaona nanom, ao Ko kauringiia n Tamneim n ririki aika a m'aiti n am rongorongo ake Ko taekin rinanoia am burabeti. Ma a bon teimatoa naba n rawa n ongo, ao Ko anga ngaiia nakoia aia kairiribai.

Neemia 9:33

Ko a tia ni kaakaraoa ae e eti ngkana ko katuaaira i bukin ara bure.

Neemia 9:35

Ko kakab'aiaia ma te abanuea n te kaub'ai, ao marin te aba ae moan te korakora ma a bon rawa naba n taromauriiko ke n rairaki nako man te buakaka.

Ieremia 29:19

E na riki aei nako ia i bukina ngke a aki ongotaeka nakon te rongorongo ae I teimatoa ni kanakoa nako ia rinanoia Au taani m'akuri aika burabeti. A rawa n ongo.

Ieremia 44:17

Ti a tia n berita b'a ti na taromauria te anti are Nei Atiterota, are te Ueanaine i Karawa, ao bon anne raoi te b'ai ae ti na karaoia. Ti na kabuoka te b'ai ni kaboiarara nakoina ao n anga te karea are te wain nakoina, n arora, ma ara bakatibu, ao ara taani kairiiri ngke ti maeka ngkoa i Ierutarem ao kaawan Iuta nako. A a bon rangi ni m'aiti karara. Ti a maiu ni kaub'ai, ao bon akea te b'ai teuana ae e buakaka ae a tia n riki nakoira.

Ieremia 44:4

I aki toki ni kakanakoa Au burabeti ae Au tia m'akuri b'a e na taetae nako ia kaain Iuta ni kaota ribaakin aia bure aika a buakaka. A kauringaki irouia burabeti b'a a na katoka karaoan te bure,

Etekiera 5:6

Ma a kakaitaraai kaain Ierutarem ao a rawa n ongotaeka irou. A katinanikuia au tua nako ao a tia n korakora riki aia bure nakoia botannaomata nako akana i rarikina.

Taniera 9:6

Ti a tia n aki kan ongo iroun am toro are te burabeti, are e taetae n Aram nakoia ara uea, ma ara taan tautaeka, ma ara bakatibu, ao ara botannaomata.

Te Tua-Kaua 31:21

Ngkana I katuaaia Iteraera ma kanoaia n taian karawaawata ma kabuanib'ai, ao N na kauringiia ae a na ataia b'a a bon atai taekan te anene aei. Ma ngaia are, bon akea aonaia ngkana a aki ongotaeka irou. N na anganiia te aba are I berita iai nakoia, ao I bon atai raoi baika a na karaoi rimwi.