Neemia 9:21 - Te B'aib'ara

²¹ Ko kakawakiniia raoi, bon akea te b'ai teuana ae a kai nanoia iai i nanon abwi te ririki. A aki roko n uruaki aia kauniwae, ao a aki roko n te b'ara nanoni waeia.

Neemia 9:21 ပူးပေါင်းရင်းမြစ်များ

Taian Areru 34:10

A kona raian ataei ni baki b'a akea kanaia, ma akea te b'ai ae e raoiroi ae na aki reke irouia akana ongeaba iroun te UEA.

Te Otinako 16:35

Ao a kang maana Iteraera i nanon 40 te ririki ni karokoa rokoia i Kanaan, are a tekateka raoi iai.

Amota 5:25

Ngkami aika aomatan Iteraera, I bon aki kainanoi ami anga karea i nanon abwi te ririki are I kairingkami iai i nanon te rereua.

M'akuri 13:18

Ao E buobuokia n te rereua i nanon ae tao angaun te ririki, e ngae ngke a aki raraoi aroia nakoina.

Te Tua-Kaua 2:7

E a tia te UEA ni buokiira i nanon ririki aika 40 aika a tia n nako ngke ti mena i nanon te rereua ae korakora aei. A tia n reke iroura b'ai ni kabane aika ti kainanoi, ao E a tia naba te UEA ni kakab'aiaira ma ni kakatotokanikaira ni b'aai ni kabane ake ti karaoi.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

Te Tua-Kaua 8:4

A aki roko n te mangaingai kunnikaimi, ao a aki roko n te konaaki waemi i nanon 40 te ririki aika nako.