Neemia 5:12 - Te B'aib'ara

¹² Ao a taku taani kairiiri, “Ti na karaoi b'aai ni kabane akana ko taekin ao ti na kaoki aia b'ai, ao ti na aki tangiri booia.” Ma ngaia are, I tuangiia taani kairiiri b'a a na berita i mataia ibonga b'a a na kaoki aia b'ai aomata.

Neemia 5:12 ပူးပေါင်းရင်းမြစ်များ

Etira 10:12

Ao a bane n takaarua aomata ake n te bootaki arei: E bon eti ane ko taekinna. Ti na karaoa ane ko taku.

Etira 10:5

Ao e teirake Etira ao e katueaia mataniwi ni ibonga, kanoan Rewi, ao aomata ni kabane i aon Iteraera b'a a na iri ana babaaire Tekania.

Neemia 10:29

Ma ngaia ae, ti anga ngaira nako aan ana kamaraia te UEA ae Atuara, ngkana ti a manga aki ongotaeka naba nakon ana tua ao ana reirei ake ti anganaki iroun ana toro are Moote.

Neemia 10:30

Ti aki kariaia b'a a na mare natira m'aane ma natira aine ma taiani ianena,

Neemia 10:31

Ti aki kaboob'ai n te Taabati ke ni kabooa naba te uita n te Taabati ke ni boong riki tabeua aika a tabu, ao ti aki kariaia naba taian ianena b'a a na boob'ai ni boong akanne. Ti kakamotirawai ara tawaana ni katoa itiua te ririki, ao ti kamaunai taian taarau ni kabane.

Neemia 13:25

Ma ngaia are i bukin marakin nanou, ao I a kamaraiaia m'aane aikai. I tua b'a a na oreaki ao ni bon kouti naba iran atuuia tabeua. Ao i mwiina, I karaoia b'a a na berita; N aran te Atua ao I berita b'a n na aki mareia natiu m'aane ao natiu aine ma I-anena.

Neemia 5:11

Kam na kaoki taian tawaana ngkai, nnenaroka ni kureebe, nnenaroka n oriwa, ao taian auti ake kam a tia n anai ao taiani bakao ake a tia ni kab'akaki nakoimi.”

Mataio 26:63

Ma E kainab'aabu Iesu. Ao e taku mataniwiia ibonga nako Ina, “I titirakiniko i matan te Atua ae maiu, b'a Ko na tuangiira b'a tao te Kristo Ngkoe, are Natin te Atua.”

Ruka 19:8

Ao e tei Takaio, ao e taku nakon te Uea, “Noria, te Uea, N na anga nako iteran au b'ai nako nakoia akana aki kaub'ai; ao ngkana I a tia n anaa te b'ai teuana mairoun temanna n te aro ni babakanikawai, ao N na manga kaokia nako ina ni kaaua te tai m'aitina.