Neemia 12:37 - Te B'aib'ara

³⁷ Ao ngke a roko n te Mataroa are Koburake n Ran, ao a tam'arakea te kawai n ararake nakon ana Kaawa Tawita ao a ri rarikin te bareti, i m'aain are a toki n te Mataroa are Ran i rarikin oon te kaawa are i mainiku.

Neemia 12:37 ပူးပေါင်းရင်းမြစ်များ

Neemia 2:14

N iteran te kaawa are e buubura are mai mainiku, ao I kaineta meang nakon te Mataroa are Koburaken Ran ao ana Nei n te Tebotebo te Uea, ma e a aki konaa n rin au aati b'a e a rangi n irariki te kawai.

Neemia 3:26

E toki te tabo are i rarikin te Mataroa are Ran i mainiku ao n te taua i bukin teiakinan te Tembora. E tena ma te m'akoro are n te kaawa are e aranaki b'a Obera, ike a maeka iai taani m'akuri n te tembora.

Neemia 8:1

Ni moanibongin te kaitiua n nam'akaina, ao a bootaki aomata n te tabo ae e kamataata i matan te Mataroa are te Ran.

Neemia 8:16

Ma ngaia are, a booboti m'anganikaai aomata ao a karekea b'a te katantan i aon taubukin aia auti aika a booraoi aoia, ma katawanangin aia auti, ao katawanangin te tembora, ao te tabo ae e uki i rarikin te Mataroa are Ran ao te Mataroa are Eberaim.

Neemia 8:3

Ao e wareka ana Tua Moote nakoia man te moaningabong ni karokoa te tawanou, ao a bane ni kakauongo raoi.