Neemia 11:2 - Te B'aib'ara

² Ao i mwiina, a bane aomata n buubutia te Atua b'a e na kakab'aiaia ake a kukurei ni maeka i Ierutarem.

Neemia 11:2 ပူးပေါင်းရင်းမြစ်များ

Neemia 7:4

E ngae ngke e rangi ni korakora aban Ierutarem, ma a karako aomata ake a maeka ikekei, ao akea naba taian auti aika a boou aika a tia ni kateaki.

Iobi 29:13

A neboai aomata ake a mena i nanon te rawawata ae moan te korakora, ao I buokia aine aika mate buia ni karekea te kukurei nako ia.

Iobi 31:20

ao N na bon anganna kunnikaina ae karaoaki man buraeia au nanai n tiibu, ao e na neboai ma nanona ni kabane.

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Taian Areru 122:6

Ierutarem, ti na tataro b'a ko aonga n rau: ao a na bane n tekeraoi akana tangiriko.

Te Tua-Kaua 24:13

Ma kam na riai ni kaokia i m'aain bungintaai, b'a e aonga ni kona ni kamanenaa te aomata are kunnikaina n kamanoa iai rab'atana ngkana e matu, ao ma ni bubutiia te UEA b'a E na kakab'aiako. Ao n te aro anne, ao E na ataia iai te UEA ae Atuami b'a kam karaoa ae raoiroi.

Tani Motiki-taeka 5:9

I neboiko, te UEA, ao I rangi ni kaitau i bukiia taani kairiiri ao tautia aikai aika a anga nanoia.