Neemia 11:18 - Te B'aib'ara

¹⁸ Bootaia kanoan Rewi ake a maeka n te kaawa are e tabu bon uabubua waningauni ma aman.

Neemia 11:18 ပူးပေါင်းရင်းမြစ်များ

1.Uea 11:13

Ngkana I karaoa aei, ao N na anganna naba teuana te baronga b'a e na tautaekanna, i bukin au tia m'akuri are Tawita, ao i bukin naba Au kaawa are Ierutarem.

Neemia 11:1

Ao a maeka taani kairiiri irouia botannaomata ma aia utu i Ierutarem. Ma e ti konaa n reke nnen teuana te utu man nikiran taiani utu ake tebwina, ma ngaia are, a buubutiia te Atua b'a e na kaotia nakoia b'a antai ae e na maeka ikekei.

Neemia 11:17

Ao i mwiina, Matania are natin Mika te m'aane. Ana bakatibu bon Taberi ao Ataba. E kaira kuaean te tembora Matania i nanon tain te nebonebo. E maeka naba i Ierutarem Bakebukia are ana tia buobuoki. Ao te kabanea, bon Abeta are natin Tiammua, are tibuna te unim'aane bon Karara, ao tibutoruna te unim'aane bon Ierutun.

Neemia 11:19

Tebubua itingauni ma uoman taan tei n te tembora ake a maeka i Ierutarem; ao aia taani kairiiri bon Akuba ao Taremon.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Mataio 24:15

Ma ngaia aei, ngkana kam nora te baere kakamaaku are e taekinna Taniera are te burabeti, b'a e tei n te tabo are tabu n te um'antabu (ke e ataia te tia wareware),

Mataio 27:53

A oti nako mani nneia maate i mwini manga-utin Iesu, ao a nako n te kawa are tabu, ao a kaoti nakoia aomata aika bati.

Mataio 4:5

Ao e kairia ngkanne te riaboro nako Ierutarem, ao e kateia n te tabo ae te kabanea n rietaata i taubukin te um'antabu,

Te Kaotioti 11:2

Ao ko na katuka te ru are i tinanikun te tabo are tabu n te Tembora n aki baireia, i bukina b'a e katukaki i bukiia botannaomata ake a na toutoubeka aon te kaawa are tabu abwi ma uoua te nam'akaina.

Te Kaotioti 21:2

Ao I nora te kaawa are tabu, are Ierutarem ae boou, b'a e ruo mai karawa mairoun te Atua, ao e katauraoaki n ai aron te aine ae katamaroaaki i bukin teuare e na mare ma ngaia.