Neemia 11:17 - Te B'aib'ara

¹⁷ Ao i mwiina, Matania are natin Mika te m'aane. Ana bakatibu bon Taberi ao Ataba. E kaira kuaean te tembora Matania i nanon tain te nebonebo. E maeka naba i Ierutarem Bakebukia are ana tia buobuoki. Ao te kabanea, bon Abeta are natin Tiammua, are tibuna te unim'aane bon Karara, ao tibutoruna te unim'aane bon Ierutun.

Neemia 11:17 ပူးပေါင်းရင်းမြစ်များ

2.Tamuera 9:12

Ma ngaia are, a m'akuri ana utu Tiba i bukin Mebiboteta.

1.Rongorongo 16:4

Ao e rineia tabeman kanoan Rewi b'a a na m'akuri n te Atiniberita, ana katangitang ao a na anene ni kamoamoa nakon te UEA ae Atuaia Iteraera.

1.Rongorongo 16:41

Ao taani buokiia bon Eman ao Ierutun, n reitaki naba ma m'aane ake te koraki ake a tia n rineaki b'a a na neboa te UEA i bukin ana tangira ae akea tokina.

1.Rongorongo 9:15

are e riki mairouia Atuba, Atirikam, ao Atiabia; B'akeb'aka. Ereti, Karara, Matania are natin Mika te m'aane, are e riki mairouia Tikeri ao Ataba;

Neemia 10:12

Takuura, Terebia, Tebania,

Neemia 11:16

Ake i mwiina bon Tiabetai ao Iotabata, ake a tararuaa te m'akuri i tinanikun te Tembora.

Neemia 11:18

Bootaia kanoan Rewi ake a maeka n te kaawa are e tabu bon uabubua waningauni ma aman.

Neemia 12:24

A tararuai kuaaea ake uoua, Atiabia, Terebia, Ietua are natin Katemiera te m'aane, n reitaki ma aia taani buokiia. Kuaaea aika uoua aikai ake a kaainaki irouia kanoan Rewi ake a anene n neboa te Atua, n aron are e a tia ni baaireia ngkoa ana aomata te Atua are te uea are Tawita.

Neemia 12:25

Taan tararuai taian ruunib'ai ake i rarikin mataroan te kaawa bon Matania, Bakebukia, Obaria, Meturam, Taremon, ao Akuba.

Neemia 12:31

I kairiia taani kairiiri mai Iuta nako taubukin oon te kaawa ao I angania tabeia b'a a na tararuai uakoraki ake a na m'aati ni katobibi i aon taubukin te oo, ma n anene n neboa te Atua. Te m'akoro are teuana e na m'aati nakon te angaatai ni kaineta te Mataroa are Kabiti.

Neemia 12:46

E a bon kaman wawaakinaki kairan te anene irouia taan kaira te anene ma taian anene n nebo ao taian taromauri mairoun Tawita ma Ataba.

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.