Nakoaia Ibonga 9:7 - Te B'aib'ara

⁷ Ao i mwiina, e taku nakon Aaron, “Naako nakon te baonikarea ao anga te karea ni kab'arabure ao te karea ni kabuokaki i bukin kab'araan aia bure aomata. Ko na kaoti taiani karea aikai b'a kab'araan aia bure aomata, n aron ana taeka te UEA.”

Nakoaia Ibonga 9:7 ပူးပေါင်းရင်းမြစ်များ

Nakoaia Ibonga 16:11

Ngke e anga te karea Aaron are te karea ni kab'arabure bon i bukina ma ana utu,

Nakoaia Ibonga 16:24

E na tebokia i nanon te Tabo are e tabu ao e na karina are boni kunnikaina. Ao i mwiin anne, e na otinako n anga te karea ni kabuokaki i bukin kanakoan oin ana bure ao aia bure aomata.

Nakoaia Ibonga 16:6

E na riai n anga te kaom'aane i bukin te karea i bukin kab'araan aia bure kaain ana utu.

Nakoaia Ibonga 4:3

Ngkana tao te ibonga ae e bure ni kabuakakaia te botannaomata, ao e na uota te kao teteei ae te m'aane ae akea toabuakan rab'atana, ao e na tiringnga b'a ana karea i bukin ana bure.

Nakoaia Ibonga 8:34

Ti a tia ni karaoi b'aai ni kabane ake E tuangiira te UEA b'a ti na karaoi n te bong aei, i bukin kab'araan am bure.

Nakoaia Ibonga 9:2

E taku nakon Aaron, “Anaa te kao te ataei ao te tiibu te m'aane ae akea toabuakan rab'ataia ao anga nakon te UEA, te kaom'aane i bukin te karea ni kab'arabure ao te tiibu m'aane i bukin te karea ni kabuokaki.

Ebera 5:1

B'a te ibonga ae kakannato e a rineaki mai buakoia raona, b'a e na m'akuri i bukin te Atua i bukiia aomata, b'a e na kakaraoi taromauri ma n anganga karea i bukini buure.

Ebera 5:3

i bukini mamarana anne, ao e bon riai b'a e na anga karea tiaki ti i bukin aia bure aomata, ma i bukin naba oin ana bure.

Ebera 9:7

ma ti te ibonga ae kakannato ae rin nako n te tabo are moanibaan te tabu; ao ti teuana ana tai ni karaoa aei n teuana te ririki, ao uotana ni katoa tai te raraa ae e na anga bon i bukina, ao i bukin naba aia bure aomata.

1.Tamuera 3:14

I kauringa Eri b'a e aki kona te karea ke te angab'ai ni kaeti b'aai! B'a e a rangi ni m'aiti aia tai ni karaoi b'aai aika rangi n ribaaki.