Nakoaia Ibonga 9:3 - Te B'aib'ara

³ Ao i mwiina, ko na tuangiia Iteraera b'a a na karaoa te kooti te aine i bukin te karea ni kab'arabure, ma te kao te ataei ae ai tib'a teuana ana ririki ni maiu, ao te tiibuteteei ae ai tib'a teuana naba ana ririki ni maiu ae akea toabuakan rab'atana b'a te karea ni kabuokaki,

Nakoaia Ibonga 9:3 ပူးပေါင်းရင်းမြစ်များ

Karikani B'aai 37:31

Ao a tiringa te kooti, ao a kateboa kunnikain Ioteb'a i nanon raraana.

Etira 6:17

Tebubua kaao, uabubua tiibu m'aane, abubua tiibu ataei aika a kareanaki i bukin te katabu. Ao ai uana naba ma tengaun ma uoman taian kooti aika a kareanaki i bukin kab'araan aia bure barongan Iteraera ake tengaun ma uabaronga.

Te Otinako 12:5

Ko na rinea te tiibu ke te kooti, ko na anaa ae teuana ana ririki ni maiu ae te mm'aane ae akea toabuakan rab'atana.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Nakoaia Ibonga 10:16

Ao e titiraki Moote i bukin te kooti are te karea ni kab'arabure, ao e a ataia b'a ngaia are e a kaman tia ni kabuokaki. Ao e rangi n un n irouia Ereata ao Itama, ao e kamatoa ana taeka ni kaangai,

Nakoaia Ibonga 12:6

Ao ngkana a bane raoi ana bong ni kaitiaki, b'a tao mwiin bungiakin te nati te m'aane ke te nati te aine, ao e na uota te tiibuteteei ae teuana ana ririki ni maiu b'a ana karea ni kabuokaki, ao te bitin ke te taobe i bukin ana karea ni kab'arabure, ao e na angan te ibonga i mataroan ana Um'antabunrianna te UEA.

Nakoaia Ibonga 14:10

N te kawanua ni bong e na uoti uoman taian tiibuteteei aika m'aane aika akea toabuakan rab'ataia, ao uoman naba tiibu aine aika kaka teuana aia ririki, aika akea naba toabuakan rab'ataia, ao tenua te kirokuraem te buraawa ae renganaki ma b'aan te oriwa, ao te katenim'akoro te riita b'aan te oriwa.

Nakoaia Ibonga 16:15

I mwiin anne, e na tiringa te kooti i bukin kab'araan aia bure aomata, ao e na uota raraana nakon te Tabo are Moan te Tabu, ao e na taataauria aon matan te Atiniberita, ao i mwiina, nanoaan te Atiniberita, n aron are e karaoia naba ma raraan te kaom'aane.

Nakoaia Ibonga 16:5

Ao e riai te bootaki n Iteraera n anga uoman taiani kooti aine i bukin te karea ni kab'arabure ao i bukin te karea ni kabuokaki.

Nakoaia Ibonga 23:12

Kam riai n anga te karea ni kakukureiai. Ma ngaia are, angan te ibonga te tiibuteteei ae ai tib'a teuana ana ririki ae akea naba nukana,

Nakoaia Ibonga 4:23

ao e n a riai ni waekoa ni uota te kooti m'aane ae akea toabuakan rab'atana b'a ana karea.

Nakoaia Ibonga 4:3

Ngkana tao te ibonga ae e bure ni kabuakakaia te botannaomata, ao e na uota te kao teteei ae te m'aane ae akea toabuakan rab'atana, ao e na tiringnga b'a ana karea i bukin ana bure.

Nakoaia Ibonga 9:2

E taku nakon Aaron, “Anaa te kao te ataei ao te tiibu te m'aane ae akea toabuakan rab'ataia ao anga nakon te UEA, te kaom'aane i bukin te karea ni kab'arabure ao te tiibu m'aane i bukin te karea ni kabuokaki.

Nakoaia Ibonga 9:4

ao te kaom'aane ma te tiibu m'aane b'a te karea n raoi. A na riai n anga b'a aia karea nakon te UEA n reitaki ma te karea are te uita ae e renganaki ma b'aan te oriwa. A na riai ni karaoa aei i bukina b'a E na kaoti te UEA n te bong aei.”

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,