Nakoaia Ibonga 9:2 - Te B'aib'ara

² E taku nakon Aaron, “Anaa te kao te ataei ao te tiibu te m'aane ae akea toabuakan rab'ataia ao anga nakon te UEA, te kaom'aane i bukin te karea ni kab'arabure ao te tiibu m'aane i bukin te karea ni kabuokaki.

Nakoaia Ibonga 9:2 ပူးပေါင်းရင်းမြစ်များ

Te Otinako 29:1

Kam na rinea te kaomm'aane ae uarereke ao uoman tiibu mm'aane aika akea toabuakan rab'ataia, ngkana kam na katabuaia natin Aaron b'a a na riki b'a au ibonga.

Etekiera 29:1

Tebwiina te ririki i mwiin anaakin te Uea are Ieoiakin ao nikira ni kabane b'a taenikai nako B'aburon, ao E taetae te UEA nako iu ni katebwi ma uouan bongin te katebwina n nam'akaina. E taku:

Nakoaia Ibonga 1:10

Ngkana iai ane e na anga ana tiibu ke ana kooti, ao e riai n anga te m'aane ae akea toabuakan rab'atana.

Nakoaia Ibonga 1:3

Ngkana iai ane e na anga ana man temanna man ana nanai ni kao b'a te karea are kakukureiau, i aon te baonikarea are te buraonti ao e riai n anga ana kao te m'aane ae akea toabuakan rab'atana. E na uotia nakon te UEA i mataroan ana Um'antabunrianna te UEA, b'a e aonga ni butim'aeaki iroun te UEA.

Nakoaia Ibonga 16:3

Ko na riai n anga te kaom'aane b'a te karea i bukin am bure nako ao te tiibu m'aane i bukin te karea are kakukureiau ngkana ko na rin te tabo are Moan te Tabu aei.”

Nakoaia Ibonga 16:5

Ao e riai te bootaki n Iteraera n anga uoman taiani kooti aine i bukin te karea ni kab'arabure ao i bukin te karea ni kabuokaki.

Nakoaia Ibonga 4:3

Ngkana tao te ibonga ae e bure ni kabuakakaia te botannaomata, ao e na uota te kao teteei ae te m'aane ae akea toabuakan rab'atana, ao e na tiringnga b'a ana karea i bukin ana bure.

Nakoaia Ibonga 8:14

Ao e a uota te kao m'aane ae te tei Moote i bukin te karea ni kab'arabure, ao a katokai baiia Aaron ma natina m'aane i aon atuun te man.

Nakoaia Ibonga 8:18

Ao i mwiina, e a manga anaa te tiibu m'aane Moote i bukin te karea ni kabuokaki, ao a katokai baiia Aaron ma natina m'aane i aon atuuna.

Nakoaia Ibonga 9:3

Ao i mwiina, ko na tuangiia Iteraera b'a a na karaoa te kooti te aine i bukin te karea ni kab'arabure, ma te kao te ataei ae ai tib'a teuana ana ririki ni maiu, ao te tiibuteteei ae ai tib'a teuana naba ana ririki ni maiu ae akea toabuakan rab'atana b'a te karea ni kabuokaki,

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Ebera 5:3

i bukini mamarana anne, ao e bon riai b'a e na anga karea tiaki ti i bukin aia bure aomata, ma i bukin naba oin ana bure.

Ebera 7:27

E aki riai i Rouna, n ai aroia ibonga ake a kakannato, b'a E na anga karea n te bong ae koraki, n anga moa i bukin oin ana bure, ao rimwi i bukin aia bure aomata: b'a ti teuana karaoan aei i Rouna, ngke E anga Ngaia b'a te karea.