Nakoaia Ibonga 8:6 - Te B'aib'ara

⁶ Ao e kairiia Aaron ma natina m'aane nako mooa, ao e kateboteboia.

Nakoaia Ibonga 8:6 ပူးပေါင်းရင်းမြစ်များ

Taian Areru 26:6

Te UEA, I teboki baiu ni kaotia b'a akea au bure, ao I nakonako n taromauri ni katobibia am Baonikarea,

Taian Areru 51:2

Tebokai raoi b'a I aonga n itiaki man au bure, ao kaitiakai man arou aika buakaka!

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Te Otinako 29:4

Kairiia Aaron ma natina mm'aane nako mataroan te Um'antabunrianna b'a a na tebotebo.

Te Otinako 30:19

Ao i mwiina, katikua i marenan te baonikarea i bukin te karea ao te Um'antabunrianna,

Te Otinako 30:20

b'a a aonga ni konaa n teboki baiia ma waeia iai ibonga i m'aain riniia nakon te Um'antabunrianna ke aia angakarea i aon te baonikarea.

Te Otinako 40:12

Kanakomaia Aaron ma natina mm'aane nakon mataroan te Um'antabunrianna, ao tuangiia b'a a na tebokia.

Itaia 1:16

Tebokingkami ni kaitiakingkami! I a rangi n ribai ami m'akuri aika a buakaka. Ani katoka karaoan te kaairua.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Nakoaia Ibonga 16:4

Ao E anga te UEA kaetieti aikai. I m'aain rinin Aaron nakon te Tabo are Moan te Tabu, e na riai moa n tebotebo ao e na karina kunnikaina n ibonga: te niiniira ao te kawaerake, te bare, ao te m'aita.

Nakoaia Ibonga 8:5

ao e taku nako ia, “Te b'ai are N nang karaoi ngkai bon ana mwioko te UEA.”

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

I-Ebeto 5:26

E karaoa aei b'a E na katabua te ekaretia i bukin te Atua n ana taeka, n tebokia ni kaitiakia n te ran,

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Ebera 9:10

ngkai baikai, a tabe ma taekan ti taian am'arake ma ninima ma taian teboka nako, aika tuua i bukin te rab'ata aika a na karaoaki ni karokoa te bong are a na oneaki iai nakon aika a raraoi riki.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.