Nakoaia Ibonga 8:25 - Te B'aib'ara

²⁵ Ao e anaa te nenea, nenean aon te kanoannano ni kabane, ma b'ain nako te ato aika a raraoi, ma taian kirine, ma nenean aona, ao rangan te man are te atai are mai buki.

Nakoaia Ibonga 8:25 ပူးပေါင်းရင်းမြစ်များ

Te Otinako 12:9

Kam ma aki kang am'arake aika aki m'ai ke aika a kaburoaki, ma kam na kanna ngke umunaki ni kab'aninaki, n reitaki ma atuuna, rangana, ao kanoan nanona.

Te Otinako 29:13

I mwina, anaa te nenea mai rarikin te man, ao ai uana naba m'akoron te ato are mai nano ao taian kirine ma neneaia, ma ni kabuoki i aon te baonikarea.

Taeka n Rabakau 23:26

Natiu te m'aane, kakauongo raoi, ao kukurei ni katotoongai.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Nakoaia Ibonga 3:9

ao a na uoti m'akoron te man ake tabeua b'a te karea are te am'arake nakon te UEA: ma nenean te bukibe are e a tia ni koreaki man te rinnaba, ma nenea naba ake a rabuna te kanoannano,

Nakoaia Ibonga 8:24

Ao e a manga kairiia natin Aaron m'aane nako mooa, ao e kabiri reben taningaia naba ake ataiia n te raraa, ma waebuan baiia te atai, ao waebuan waeia naba te atai. Ao e kabanea ni kab'aroa nikiran te raraa i aon rarikin te baonikarea ake aua.

Nakoaia Ibonga 8:26

Ao e a manga anaa kaka teuana taian kariki ake tenaekaki mai i nanon te b'aene ni kariki are e a tia ni katabuaki nakon te UEA; e anaa teuana man te kariki are e renganaki ma te b'a, ao teuana man te kariki are e manii, ao e katikui i aon te nenea, ao waen te man are te angaatai are mai buki.