Nakoaia Ibonga 7:9 - Te B'aib'ara

⁹ Aia b'ai naba ibonga ake a karaoa te angakarea nakon te Atua, taiani karea are te uita are e kam'aaki n te ainumuum, ke e katauraoaki n te baan n tintin.

Nakoaia Ibonga 7:9 ပူးပေါင်းရင်းမြစ်များ

2.Uea 12:17

Ni bon te tai naba arei, e buakana te kaawa are Kaata uean Turia are Ataera, ao e taua. I mwiina, e a manga iangoia b'a e na buakana Ierutarem.

Etekiera 44:29

Ma, e na reke irouia iteran taian karea ake taian uita, ao ai uana naba ma m'akoron te karea i bukin te bure ao te karea are kaetan b'aai. A na anganaki naba b'aai ni kabane i aon Iteraera ake a tia ni katabuaki b'a Au b'ai.

Nakoaia Ibonga 2:10

Aia b'a ibonga nikiran te karea; e bon rangi n tabu te am'arake anne i bukina ngke a anaaki man taian am'arake ake taian karea nakon te UEA.

Nakoaia Ibonga 5:13

E na anga te karea te ibonga n aron aei i bukin ana bure te m'aane arei, ao e na kab'araaki ana bure. Ao nikiran te buraawa e na b'ainna te ibonga, n aron are karaoaki naba n te anga karea are te uita.

Nakoaia Ibonga 7:10

Ma taian karea are te uita ni kabane ake a tuai ni kuukanna, b'a e aoria ngkana e renganaki ma te oera ke e m'au, a b'ainaki irouia kaain Amora ni kabane ake taian ibonga ao e na riai n tib'aaki raoi i marenaia.

Nakoaia Ibonga 7:8

E na anga te aba kunin te man are te karea ni kabuokaki b'a ana b'ai te ibonga are karaoa te angakarea.

Warekaia Iteraera 18:9

n reitaki naba ma m'akoron te karea are te uita, ao m'akoron naba te karea ni kabomwi. Ami b'ai man te karea aei bon te m'akoro are aki kabuokaki i aon te baonikarea.

1.I-Korinto 9:13

Kam aki ataiia ake a kakarao taromauri n te um'antabu b'a a karekei kanaia man te um'antabu, ao te koraki ake a karao taromauri n angakarea b'a iai tib'angaia ni baike a kareanaki?

1.I-Korinto 9:7

Antai te tautia ae boni kab'akai booni mwin ana kabanem'ane i nanon ana tai ni m'akuri n tautia? Antai ae uniki kureebe ni nneia ae e na aki kang uaana? Antai te tia kaawakintiibu ae aki karekea nimana n rannimammaia tiibu?

I-Karatia 6:6

Ao ane reireiaki ana taeka te Atua e na buokanib'ai ni baika raraoi ma te tia reirei.