Nakoaia Ibonga 7:6 - Te B'aib'ara

⁶ A na riai ni kanna m'aane ni kabane ake a nako man taian utu ni ibonga, ma e na riai ni kanaki n te tabo are tabu, i bukina ngke e rangi n tabu.

Nakoaia Ibonga 7:6 ပူးပေါင်းရင်းမြစ်များ

Etekiera 42:13

Ao e taku te aomata arei nako iu: Ru aikai a mena i meaangin ao i maiakin te Tembora bon taian ruu aika a tabu ike a na kang iai karea aika a rangi n tabu ana ibonga te UEA. Raon taiani karea aikai bon te karea are te uita, te karea i bukin te bure, ao te karea i bukin kaetan b'aai.

Nakoaia Ibonga 2:3

Ao a na b'aina nikiran te karea ibonga. A rangi n tabu am'arake aikai i bukina ngke a anaaki man am'arake ake taian karea nakon te UEA.

Nakoaia Ibonga 21:22

A kona ni kang taiani karea aika am'arake aika I anganaki,

Nakoaia Ibonga 6:11

Ao e na manga oneia nakon kunnikaina ake mai m'aaina, ao e na uoti taian mannang nako tinanikun te kaawa n te tabo are a kakarenakoaki iai taian maange.

Nakoaia Ibonga 6:29

A tii konaa ni kana te karea aei m'aane ake a nako man te utu ni ibonga; b'a e bon rangi n tabu.

Nakoaia Ibonga 7:5

E na riai te ibonga n kabuoki taian nenea ni kabane i aon te baonikarea b'a te karea are te am'arake nakon te UEA. Bon te karea ni kabomwi.

Akai 2:12

Ngkana tao arona b'a e a tauraoi te iriko ni man b'a e nang kareanaki nakon te Atua ao e a tia n uotaki ni kunnikain temanna, ao e a boboo te kunnikai arei ma tabeua taiani kariki ke taian am'arake aika a tia ni kuukanaki ke te wain ke b'aan te oriwa, ke taian am'arake nako. A na kariaiakaki am'arake aika a tia ni boboo ma te kunnikai b'a a na riki b'a taiani karea? Ao a na kaeka ibonga ni kaangai, “A na bon aki.”

1.I-Korinto 10:18

Kam na tarai aroia te botannaomata ae Iteraera: tiaki b'a a buokanib'ai n te taromauri n anga-karea aia koraki ake a kang am'arake ake karea?

1.I-Korinto 9:13

Kam aki ataiia ake a kakarao taromauri n te um'antabu b'a a karekei kanaia man te um'antabu, ao te koraki ake a karao taromauri n angakarea b'a iai tib'angaia ni baike a kareanaki?