Nakoaia Ibonga 7:5 - Te B'aib'ara

⁵ E na riai te ibonga n kabuoki taian nenea ni kabane i aon te baonikarea b'a te karea are te am'arake nakon te UEA. Bon te karea ni kabomwi.

Nakoaia Ibonga 7:5 ပူးပေါင်းရင်းမြစ်များ

Nakoaia Ibonga 1:13

E na bon kaitiaka kanoannanon ma waen ana karea te aomata, ao te ibonga, e na uota te karea nakon te UEA, ao e na kabuoki ni kabane i aon te baonikarea. E na rangi ni kakukureia te UEA boiararan te karea aei.

Nakoaia Ibonga 1:9

E na bon kaitiaka kanoannanon, ma waen ana man te aomata, ao te ibonga e na kabuoka te karea ni kabane rab'atana i aon te baonikarea. E na rangi ni kakukureia te UEA te angakarea anne.

Nakoaia Ibonga 2:16

Ao e na anai tatabeuta man baikanne te ibonga ni ikotaki ma b'aan te oriwa, ao te b'ai ni kaboiarara are e kaakabubuaki ao e na kabuoki b'a am'arake aika taian karea nakon te UEA.

Nakoaia Ibonga 2:2

ao e na uoti nakoia ibonga ake natin Aaron. Ao e na abuta te abutana te buraawa te ibonga, ma b'aan te oriwa, ao te b'ai ni kaboiarara are e kaakabubuaki ni kabane, ao e na kabuoki i aon te baonikarea b'aai ake tatabeuta akekei man taian am'arake ake karea b'a kaanga ai onean mwiin naba te am'arake ni kabane are te karea nakon te UEA. E rangi ni kakukureia te UEA te karea aei, are te am'arake.

Nakoaia Ibonga 2:9

Ao e na anai tatabeuta mai iai te ibonga b'a kaanga arina, are e na anganaki te UEA, ao e na kabuokia i aon te baonikarea. E na rangi ni kakukureia te UEA boiararan te am'arake aei are te karea.

Nakoaia Ibonga 3:16

E na kabuoki baikai ni kabane te ibonga i aon te baonikarea b'a te karea are te am'arake ae kakukureia te UEA. Ana b'ai te UEA taian nenea ni kabane.

Nakoaia Ibonga 3:3

ao a na uoti b'ain nako te karea n raoi nakon te UEA b'a te karea ni kabuokaki: ni kabane taian nenea ake i aon te kanoannano,

Nakoaia Ibonga 5:7

Ngkana arona b'a e aki konaa te aomata ni karekea te tiibu ke te kooti, ao e na uoti nakon te UEA b'a boon ana bure uoman te taobe ke uoman te bitin. Temanna i bukin te karea ni kab'arabure, ao are temanna i bukin te karea ni kabuokaki.

Nakoaia Ibonga 7:4

taiani kirine ao taian nenea ake i aoia, ao m'akoron te ato ake a raraoi.

Nakoaia Ibonga 7:6

A na riai ni kanna m'aane ni kabane ake a nako man taian utu ni ibonga, ma e na riai ni kanaki n te tabo are tabu, i bukina ngke e rangi n tabu.

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Karatia 5:24

Ao akana ana aomata Kristo Iesu a taura te maiu n rab'ata ma nanona ni kammaira ma ni kaib'ab'aru n te kaibangaki.