Nakoaia Ibonga 7:31 - Te B'aib'ara

³¹ E na riai te ibonga ni kabuoka te nenea i aon te baonikarea, ma e na b'ainaki m'akorona are b'aab'aana irouia ibonga.

Nakoaia Ibonga 7:31 ပူးပေါင်းရင်းမြစ်များ

Te Otinako 29:26

Kam na kana te rinikaokao are e a tia ni kaokoroaki man te kauoman n tiibu aei, ma kam riai moa n tabeki rake ma ni kaotii b'a a tia ni katabuaki b'a au b'ai.

Nakoaia Ibonga 3:11

Ao a na kabuoki baikai ni kabane ibonga i aon te baonikarea b'a te am'arake are te karea nakon te UEA.

Nakoaia Ibonga 3:16

E na kabuoki baikai ni kabane te ibonga i aon te baonikarea b'a te karea are te am'arake ae kakukureia te UEA. Ana b'ai te UEA taian nenea ni kabane.

Nakoaia Ibonga 3:5

A na kabuoki b'aai ni kabane aikai ibonga i aon te baonikarea, ni ikotaki ma te karea are kakukureiau. E rangi ni kakukureia te UEA boiararan te karea ae te am'arake aei.

Nakoaia Ibonga 5:13

E na anga te karea te ibonga n aron aei i bukin ana bure te m'aane arei, ao e na kab'araaki ana bure. Ao nikiran te buraawa e na b'ainna te ibonga, n aron are karaoaki naba n te anga karea are te uita.

Nakoaia Ibonga 6:16

Ao a na kang nikiran te karea ibonga. A na manga karaoaki b'a taian kariki aika a aki itinaki, ao a na kanaki i nanon te ru are tabu, are te tabo ni kabowi n ana Um'antabunrianna te UEA.

Nakoaia Ibonga 6:26

Ao te ibonga are karaoa te angakarea, boni ngaia are e na kana te man are te karea i nanon te ru are e tabu, are te tabo ni kabowi i nanon ana Um'antabunrianna te UEA.

Nakoaia Ibonga 7:34

Bon te b'aintangira ae e onoti b'aab'aan te man, ao rangana te angaatai bon te buoka are E a tia n anaia te UEA mairouia Iteraera ma n anganiia ibonga. Aio te b'ai ae a riai Iteraera n anga nakoia ibonga n taai nako ni boong aika a na roko.

Nakoaia Ibonga 8:29

Ao i mwiina, e anaa b'ab'aan te man Moote, ao e anga b'a te karea nakon te UEA. Ao bon anne tib'an Moote man te tiibu te tei are te karea ni katabutabu. E karaoi b'aai ni kabane Moote n ai aron ana mwioko te UEA.

Warekaia Iteraera 18:11

Kam na b'ain naba m'akoron taian raka ni b'aintangira ma taian angab'ai ake a na uoti Iteraera nako Iu. A kona ni kang baikai kaain ami utu akana a itiaki ma n tau i bukin te taromauri.

Warekaia Iteraera 18:18

Kam kariaiakaki ni kang irikon maan aikai, n aron ae kam kona n kang rinikaokao, ao rangan taian raka ni Karea.

1.I-Korinto 9:13

Kam aki ataiia ake a kakarao taromauri n te um'antabu b'a a karekei kanaia man te um'antabu, ao te koraki ake a karao taromauri n angakarea b'a iai tib'angaia ni baike a kareanaki?

Te Tua-Kaua 18:3

Ngkana kam kareana te kaom'aane, ke te tiibu, ao a na b'aina angana, tabana ake uoua, ao birotona ibonga.