Nakoaia Ibonga 7:2 - Te B'aib'ara

² E na riai n tiringaki te man i bukin te karea aei n iteran te baonikarea are mai meaang, ike a tiringaki iai maan i bukin te karea are te kab'anin, ao e na tataariaki iai iteran te baonikarea ake aua.

Nakoaia Ibonga 7:2 ပူးပေါင်းရင်းမြစ်များ

Itaia 52:15

E na karikiia botannaomata au tia m'akuri b'a a na boongana i bukin taromauriakiu; a na aki kakarongoa uea ngkana a boobaraaki ni mimi. Ane a na noori ao a na iangoi b'aai aika a tuai ma n noori ke n tuai n iangoi mai m'aaina.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Etekiera 40:39

Bon iai taibora aika aua, uoua n iteran te ruu teuana. Bon te taibora aei are a titiringaki iai maan ake a na kareanaki, b'a te karea are kakukureian te UEA ke te karea i bukin kaetan b'aai.

Nakoaia Ibonga 1:11

Ao e na tiringnga n tanimeangin te baonikarea, ao a na tatauriia koonan te baonikarea ake aua ibonga n te raraa.

Nakoaia Ibonga 1:3

Ngkana iai ane e na anga ana man temanna man ana nanai ni kao b'a te karea are kakukureiau, i aon te baonikarea are te buraonti ao e riai n anga ana kao te m'aane ae akea toabuakan rab'atana. E na uotia nakon te UEA i mataroan ana Um'antabunrianna te UEA, b'a e aonga ni butim'aeaki iroun te UEA.

Nakoaia Ibonga 1:5

E na tiringaki te kao m'aane ikanne i matan te UEA, ao e na uotaki te raraa nakon te UEA irouia ibonga ake natin Aaron, ao a na tatauriia koonan te baonikarea ake aua n te raraa, are te baonikarea are tei i mataroan te Um'antabunrianna.

Nakoaia Ibonga 14:13

E na tiringa te tiibuteteei n te tabo are tabu, are a tiringaki naba iai man aika kawakawa ake i bukin te karea ni kab'arabure, ao te karea ni kabuokaki.

Nakoaia Ibonga 3:2

E na katokaa baina te aomata i aon atuun ana man are te karea, ao e na tiringnga i matan te UEA i mataroan ana Um'antabunrianna. Ao a na tatauriia koonan te baonikarea ake aua ibonga ake natin Aaron n te raraa,

Nakoaia Ibonga 3:8

ao e na katokaa baina i atuun ana karea, ao e na tiringnga i matan te Um'antabunrianna. Ao a na tatauriia rarikin te baonikarea ake aua ibonga n te raraa,

Nakoaia Ibonga 4:24

E na katokai baina i aon atuun ana karea, ao e na tiringnga n tanimeangin te baonikarea, n te tabo are a titiringaki iai maan i bukin te karea ni kabuokaki. Bon aio te karea i bukin kab'araan bure.

Nakoaia Ibonga 4:29

E na katokai baina i aon atuun ana man, ao e na tiringnga i tanimeangin te baonikarea, n te tabo are a titiringaki iai maan i bukin te karea n ni kabuokaki.

Nakoaia Ibonga 4:33

E na katokaa baina i aon atuuna ao e na tiringnga i tanimeangin te baonikarea, n te tabo are a titiringaki iai maan i bukin te karea ni kabuokaki.

Nakoaia Ibonga 5:16

E na riai n anga ana kabomwi ake e aki konaa ngkoa, ao e riai b'a e na raonna n te bakao ae uabwi te katebubua. E na anga nakon te ibonga, ao e na anga te man te ibonga b'a te karea i bukin ana bure te tia bure arei, ao e na kab'araaki ana bure iai.

Nakoaia Ibonga 5:7

Ngkana arona b'a e aki konaa te aomata ni karekea te tiibu ke te kooti, ao e na uoti nakon te UEA b'a boon ana bure uoman te taobe ke uoman te bitin. Temanna i bukin te karea ni kab'arabure, ao are temanna i bukin te karea ni kabuokaki.

Nakoaia Ibonga 5:9

ao e na tatauriia rarikin nako te baonikarea n raraana. Nikiran te raraa e na kab'aroaki i oin te baonikarea. Bon aei te karea i bukin kab'araan buure.

Nakoaia Ibonga 6:25

b'a e na angan Aaron ma natina tuua aikai i bukin te karea ni kab'arabure. E na riai n tiringaki te man are i bukin te karea ni kab'arabure n tanimeangin te baonikarea, n te tabo are a titiringaki iai maan i bukin te karea ni kabuokaki. Bon aio te karea ae moan te tabu.

Nakoaia Ibonga 6:7

E na anga te karea te ibonga i bukin ana bure te aomata, ao e na kab'araaki iai ana bure te aomata anne.

Warekaia Iteraera 6:12

Ma e a tia ni kamaunaaki kariaiakam n riki n Natiraite i mwiin kaanian te mate, ma ngaia are, ko riai ni manga karaoa riki am berita b'a ko na riki b'a te Natiraite, ao ko na manga katabuaki riki. Ao kabaneana, ko na anga te tiibu te teei ae teuana ana ririki ni maiu b'a am karea i bukin kaetan b'aai ni kabane.

Ebera 11:28

I bukin ana onimaki Moote, ao e a riki iai ni karaoa te Riao ma katimtim'an te raraa, b'a e aonga Aneran te Mate n aki kamateia naati mm'aane ake karimoa.

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.