Nakoaia Ibonga 7:18 - Te B'aib'ara

¹⁸ Ngkana arona b'a e kanaki te am'arake n te katenibong, ao e na aki butim'aea ana karea te aomata anne te Atua. E na aki warekaki te karea anne b'a raoiroina, ma e na atongaki b'a kam'araana, ngkana iai ane e kanna, e na manga bon okiraki ni mwiina.

Nakoaia Ibonga 7:18 ပူးပေါင်းရင်းမြစ်များ

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Itaia 65:4

A kakangainaa ni karabaia i nanon taian nangananga are nneia maate; a kang irikon taian beeki, aika a kuukanaki i nanon tioti aika a kam'araa n te kanaki.

Itaia 66:3

Kam kareani taiani kaom'aane nako iu, ao kam tiriaomata; kam karean taian tiibu ataei nako iu ao kam karean taian kamea nakoia anti tabem'aang; kam karean taiani uita nako iu ao raraan taiani beeki nakon taian bouannanti; kam kabuoki b'ai ni kaboiarara nako iu ao kam neboi ami bouannanti. Kam a tia ni rinea are kam tangiria b'a kam na karaoia ni karaoi m'akuri aika a rangi n ribaaki aikai aika b'aai aika kam rangi n tangiri ni kan karaoi.

Ieremia 14:10

Au aomata, kam tangiria n tiotio nako, Bon akea naba ami keiaki ni kan kaaningkami ma Ngai. Ma ngaia are, N nang katinanikuingkami ngkai ma ni katuaaingkami i bukin ami bure. Bon aio au taeka Ngai ae te UEA.

Ieremia 14:12

Ane a na bae n aki am'aam'arake Ma ngkana a tangira buokaia, N na bon aki ongo, N aki butim'aai aia karea nako. Ao N na onea mwiin anne ni karokoa te buaka, te baki, ao te aoraki are e na kamaunanako ia.”

Etekiera 18:20

Bon ti aika a bure aika a na tiringaki. A na aki karawaawataaki naati i bukin aia bure aia karo, ao kaaro a na aki karawawataaki i bukin aia bure natiia. A na bon riai n anganaki kaniwangaia aomata aika a raoiroi i bukin te b'ai are e a karaoia, ao aomata aika a buakaka a na katuaaeaki i bukin te b'ai are a karaoia.

Otea 8:13

Kam karean ami man ake taian kabanea n tamaroa ao kam kang irikoia maan ake kam karean, ma I aki butim'aai ami karea nako Ngai ae te UEA. N na aki m'aninga ami bure ao N na katuaaingkami. Ao i mwiina, kam na okira Aikubita.

Nakoaia Ibonga 10:17

“E aera ngkai kam kana te karea ni kab'arabure n tiaki te tabo are e tabu? E bon rangi n tabu, ao E a tia n anganingkami te UEA b'a kam aonga ni konaa ni kab'araa aia bure aomata.

Nakoaia Ibonga 10:19

Ao e kaeka Aaron ni kaangai, “I a tia ni kana te karea ni kab'arabure n te bong aei, E konaa te UEA ni kariaia ngkana I a tia ni kana te karea i bukin kab'araan buure?”

Nakoaia Ibonga 11:41

Kam na aki kaakang man aika kawakawa aika a uarereke aika a kawakawa i aontano,

Nakoaia Ibonga 17:16

Ngkana a aki karaoa aei, ao a na kana uaan aia m'akuri.

Nakoaia Ibonga 19:5

Ngkana kam anga ami karea b'a te karea n raoi, taraia b'a a na iraki raoi nanon au Kaetieti.

Nakoaia Ibonga 20:17

Ngkana ko mareaki ma neiene m'anem, ko na katuaaeaki, ao ngkami ni kauoman kam na kamaamaeaki ao ni kairoroaki ni kanakoaki man te kaawa.

Nakoaia Ibonga 20:19

Aine akana m'anen tamam ma akana tarin tinam bon am koraki raoi ni koaua, ao ko na boni katuaaeaki ngkana ko wenenibure ma temanna i buakoia.

Nakoaia Ibonga 22:16

Tai kam'araaia ni kanakin te am'arake ae e tabu aei. Uringnga b'a Boni Ngai te UEA are I katabui karea aikai.

Nakoaia Ibonga 22:23

Ngkana iai temanna am kao ke am tiibu te teei ae ab'ab'aki ke uarereke waena teaina nakoia ake tabeman, ko kona n anganano iai b'a te karea, ma tiaki kanoan te berita.

Nakoaia Ibonga 22:25

Ao kam na tai uoti nako Iu man aika kawakawa aika kam kabooi mairouia I-Abatera. I aki kona ni butim'aai, i bukina b'a a aki raoiroi riki nakoia ake iai kab'akaia.

Nakoaia Ibonga 5:17

Ngkana iai ae e bure n tiaki nanona b'a e urui ana Tua te UEA, ao e bure iai ao e na riai ni kab'aka tuaana.

Nakoaia Ibonga 7:19

Ngkana arona b'a e boo rab'atan te iriko ni man ma te b'ai teuana ae e kam'araa, e na riai n aki kanaki, ma e riai ni kabuokaki. E na kanaki te iriko ni man iroun temanna ae e aki kam'araa

Amota 5:22

Ngkana kam uoti nako iu ami karea ni kabuokaki ma ami karea ni uita, N na bon aki butim'aai; N na bon aki naba butim'aai ami man aika kamarikaaki b'a ami karea nako iu.

Maraki 1:10

Tera ngke iai temanna ae e kaini mataroan au Tembora, b'a kam aonga ni katoka kabanebuakaan ami tai ni kauraa te ai i aon au baonikarea. I aki kukurei iroumi ngkami aika ibonga, a akea riki ami angab'ai ae N na manga butim'aia.

Maraki 1:13

Ko a rangi ni kam'araa n te aro are ko bon anga naba taian kanikina aika a buakaka nako iu. Ao kam uoti nako iu taian karea aika maan aika a kimoaaki maan aika a m'auku ke a aoraki. I konaa ni kariaia baikai?

Warekaia Iteraera 18:27

Ko na kaokoroi m'akoron b'aai ake a reke i roum b'a te angab'ai nako Iu, n aroia naba

Ruka 16:15

Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.

I-Rom 4:11

Ao e anganaki te kanikina are te korotabonim'aneaki, b'a kanikinaeani kaetan arona n reitaki ma te Atua are e reke i rouna n ana onimaki ngke e tuai ni korotabonim'aneaki. N te aro aei, ao e riki Aberaam b'a kaanga tamaia akana onimaki ni kabaneia, e aoria ngkana a tuai ni korotabonim'aneaki; ao a butim'aeaki iroun te Atua b'a aomata ngaiia aika a tia ni kaetaki aroia n reitaki ma Ngaia.

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.