Nakoaia Ibonga 7:12 - Te B'aib'ara

¹² Ngkana arona b'a iai te m'aane ae e karaoa te karea aei b'a te karea ni kaaitau nakon te Atua, ao e na riai ni kaotia, n reitaki ma te man are e na kareanaki, te angab'ai are te kariki are e aki itinaki: e konaa n ae te kariki are e mmani ae e karaoaki man te buraawa ae e renganaki ma te oera, ke te berena ae e bururuaki aona n te oera, ke te keeke ae e karaoaki n te buraawa ae e renganaki ma b'aan te oriwa.

Nakoaia Ibonga 7:12 ပူးပေါင်းရင်းမြစ်များ

2.Rongorongo 29:31

Ao e taku Etekia nakoia aomata, “Ao ngkai kam a manga itiaki i matan te UEA, uoti mai taiani karea ao taian angab'ai i bukin anganakina b'a kaaitauana.” A karaoi baikai aomata, ao tabeman mai buakoia a anga nanoia ni uoti taiani man b'a ana kareanaki.

2.Rongorongo 33:16

Ao i mwiina, e onob'aia ana baonikarea te UEA ao e anga karea ni kaaitaua ao te karea naba i bukin bubutiana ana kakab'aia. E anga ana taeka nakoia aomata ni kabane i Iuta b'a a na riai n taromauriia te UEA ae Atuan Iteraera.

Neemia 12:43

E a tia te Atua ni kakukureia taian aomata, ao ni karokoa naba te bong ni bootaki arei ai ngaia are a anga taian angab'ai ao taian karea aika moan te m'aiti. Ao a ira buakon te bukamaru aine ma ataei, ao a takaarua ni kukurei ao e rokoroko b'anaaia n taabo aika a raroa nako man te kaawa are Ierutarem.

Taian Areru 107:8

A riai ni katituaraoa te UEA i bukin ana ataataiaomata, Ao i bukini baike a kamimii ake E a tia ni karaoi i bukiia.

Taian Areru 116:17

N na anganiko te karea ae kaotan au katituaraoi nakoim, Ao N na tataro nakoim.

Taian Areru 50:23

Ane kareana te katituaraoi ao e karineai, Ao N na kamaiua ane ongeaba nako iu.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Otea 14:2

Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.

Nakoaia Ibonga 2:4

Ngkana kam na b'aina te kariki are umunaki n te ai n umum b'a ami karea, ao kam na aki itina. Kam na karaoa te kariki ae maten, ae renganaki ma b'aan te oriwa, ke te kariki ae manii, ae bururuaki aona ni b'aan te oriwa.

Nakoaia Ibonga 2:5

Ngkana e kukanaki te kariki are te karea n te b'ai ni karao keeke, ao e na renganaki burawana ma b'aan te oriwa, ma e na aki itinaki.

Nakoaia Ibonga 22:29

Ngkana kam anga te karea ni kaaitau nako iu, ao kam riai ni karaoia n angana ae e na butim'aeaki iai.

Nakoaia Ibonga 6:16

Ao a na kang nikiran te karea ibonga. A na manga karaoaki b'a taian kariki aika a aki itinaki, ao a na kanaki i nanon te ru are tabu, are te tabo ni kabowi n ana Um'antabunrianna te UEA.

Nakoaia Ibonga 7:15

E na riai ni kanaki irikon te man n te bong n angakarea; bon akea nikirana teuana ae e na katukaki nakon te bong are i mwiina.

Amota 4:5

Naako kabuoki kariki b'a karea ni kaitau nakon te Atua, ao uotii naba ami karea n anganano man kamooi ngkami iai! B'a bon te b'ai ae kam tatangiria.

Warekaia Iteraera 6:15

Ko na anga naba te angab'ai are te wain, ao te karea are te uita ma maan aikai. Ao te kabanea, ko na riai ni uota naba te b'atiketi ni kariki aika karaoaki man te buraawa ae rangi ni mte, ao b'aan te oriwa, ma e na aki itinaki. Ao ko na uota naba te buraibaan ae kabiraki aona n te b'a.

Ruka 17:16

ao e b'aka ni bobaraaki i rarikini waen Iesu, ao e anganna taeka ni kaitau. Bon te I-Taamaria ngaia.

Ruka 17:18

Akea temanna ae e noraki b'a e oki n anga neboan te Atua b'a ti te iruwa aei.

I-Rom 1:21

A ata te Atua, ma a aki anganna neboana ngkai te Atua Ngaia, ao a aki kaitaua; ma a riki aia iango b'a baika akea bonganaia, ao a karooaki nanoia aika aki wanawana.

I-Ebeto 5:20

ao kam na aki toki ni katituaraoa te Atua are te Tama n aran ara UEA are Iesu Kristo, i bukini b'aai ni kabane;

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.