Nakoaia Ibonga 6:27 - Te B'aib'ara

²⁷ Ngkana iai te aomata ae e riinga irikon te man, ao e na mate, i bukina ngke e rangi n tabu te man anne. Ngkana iai te b'ai ke te kunnikai ae e teberaki n raraan te man anne, ao e na riai n uatiiaki n te ru are tabu.

Nakoaia Ibonga 6:27 ပူးပေါင်းရင်းမြစ်များ

Te Otinako 29:37

Kam na karaoa aei i nanon itiua te bong, ao e na riki n tabu iai te baonikarea n te aro are a na bane n tabu akana a riiringnga.

Te Otinako 30:29

Ko kariki b'a b'aai aika tabu ngkana ko katabui n te aro aei, n te aro are e na manga riki n tabu te aomata are e riingi.

Etekiera 44:19

Ao a na riai ni buuti moa aia kunnikai ni ibonga i m'aain nakoia ni kawariia raoia tabem'aang ni katawanangin te Tembora, a na riai n buuti aia kunnikai ni ibonga, ao ni karin kunnikaia n aki akaaka. E na bon akea temanna ae e na konaa n riinga aia kunnikai aika a tabu ma ni karekeia n te kangaanga.

Nakoaia Ibonga 11:32

E na riki naba ni kam'araa te b'ai are e b'akaria te man anne, tao n aron te kai ke te kunnikai, ke te kau, ke te buua, e aoria b'a tao tera are e kamanenaaki iai te b'ai anne. E na kaitiakaki te b'ai anne i nanon te ran, ma e na bon tiku naba ni kam'araa ni karokoa te tairiki.

Nakoaia Ibonga 6:18

Ao e na teimatoa n riki b'a tib'angaia kanoan Aaron aika m'aane te am'arake are te karea nakon te UEA. Ao ngkana iai ane e riinga te am'arake are te karea, ao e na raaka iai i bukina ngke e tabu.

Nakoaia Ibonga 7:19

Ngkana arona b'a e boo rab'atan te iriko ni man ma te b'ai teuana ae e kam'araa, e na riai n aki kanaki, ma e riai ni kabuokaki. E na kanaki te iriko ni man iroun temanna ae e aki kam'araa

Akai 2:12

Ngkana tao arona b'a e a tauraoi te iriko ni man b'a e nang kareanaki nakon te Atua ao e a tia n uotaki ni kunnikain temanna, ao e a boboo te kunnikai arei ma tabeua taiani kariki ke taian am'arake aika a tia ni kuukanaki ke te wain ke b'aan te oriwa, ke taian am'arake nako. A na kariaiakaki am'arake aika a tia ni boboo ma te kunnikai b'a a na riki b'a taiani karea? Ao a na kaeka ibonga ni kaangai, “A na bon aki.”

Mataio 14:36

A butia Iesu b'a a na ti riinga rabin ana kunnikai aoraki; ao ake a riingnga a kamaiuaki.

Mataio 9:21

B'a e taku i nanona neierei, “Ngkana I tii riinga naba ana kunnikai, ao I a kamaiuaki.”

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

2.I-Korinto 7:11

B'a nora te baei, ae karawawatami n reitaki ma nanon te Atua; ai tera arona ni karika te nano ae korakora, ma te nano ni kani kaota ae kam aki bure, ma te nano n un, ma te nano ni maaku, ma te nano n ingainga, ma te nano ni kani kareke kai. Kam kaotingkami ni b'aai ni kabane b'a kam itiaki n te baerei.