Nakoaia Ibonga 6:22 - Te B'aib'ara

²² Ao e na teimatoa n riki aei b'a tib'angaia kanoan Aaron ake taian ibonga. E na kabuokaki ni kab'aninaki nakon te UEA.

Nakoaia Ibonga 6:22 ပူးပေါင်းရင်းမြစ်များ

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Otea 4:8

Kam kaungai nanoia tabem'aang b'a a na bure, b'a kam na konaa ni kaoningkami n aia karea ni kab'ara bure.

Nakoaia Ibonga 3:17

Bon akea temanna te Iteraera ae na kana te nenea ke te raraa: bon aio te tua ae a na kakawakinna Iteraera ni kabane n taai nako, ao n taabo nako ike a maeka iai.

Nakoaia Ibonga 4:24

E na katokai baina i aon atuun ana karea, ao e na tiringnga n tanimeangin te baonikarea, n te tabo are a titiringaki iai maan i bukin te karea ni kabuokaki. Bon aio te karea i bukin kab'araan bure.

Nakoaia Ibonga 4:3

Ngkana tao te ibonga ae e bure ni kabuakakaia te botannaomata, ao e na uota te kao teteei ae te m'aane ae akea toabuakan rab'atana, ao e na tiringnga b'a ana karea i bukin ana bure.

Nakoaia Ibonga 6:10

Ao te ibonga are kunnikainna n te roobu, ao e kawaerakenna n te rinen, e na kanakoi taian mannang ake a mena n nenea, ao e na katikui i rarikin te baonikarea.

Nakoaia Ibonga 6:11

Ao e na manga oneia nakon kunnikaina ake mai m'aaina, ao e na uoti taian mannang nako tinanikun te kaawa n te tabo are a kakarenakoaki iai taian maange.

Nakoaia Ibonga 6:21

E na renganaki ma te b'a, ao e na kuukanaki i aon te b'ai ni keeke. Ao i mwiina e na manga uruakaki ni kauarerekeaki, ao e na uotaki b'a te karea are te uita, ae kakukureia te UEA boiararana.

Nakoaia Ibonga 6:23

Bon akea m'akoron te karea are te uita are karaoa te angakarea iai te ibonga ae na kanaki; a na bane ni kabuokaki ni kabane.

Nakoaia Ibonga 8:21

Anne te karea ni kabuokaki are te karea are te am'arake, are e rangi ni kakukureia te UEA boiararana.

Te Tua-Kaua 10:6

Ao e maan i mwiina, ao ti a manga katei maeka i rarikin taiani m'anib'a ake aia b'ai kanoan Iaakan ao i mwiina, ti a manga m'ananga nako ao ti a manga katei maeka i Motera, ike e mate iai Aaron ma n taunaki naba iai, ao e a manga riki ni ibonga natina are te m'aane are Ereata.

Ebera 7:23

A m'aiti aia koraki n ibonga te koraki arei, ma a bane ni mate ao a aki kona ni wakina nako aia m'akuri.