Nakoaia Ibonga 6:20 - Te B'aib'ara

²⁰ i bukin katabuaia ibonga ake kanoan Aaron. E na riai ni uoti nakon te UEA b'a ana karea teuana te kirokuraem te buraawa, ti te bo ma m'aitin are n te karea are te uita are e katoa bong, b'a te iterana n te ingabong ao te iterana n te tairiki.

Nakoaia Ibonga 6:20 ပူးပေါင်းရင်းမြစ်များ

1.Rongorongo 23:29

Bon tabeia naba tararuaakin te kariki are e tabu, ao te buraawa are b'ain te karea are te uita, taian kariki are a mmani, ao karea ni kabane ake a umunaki, ao te buraawa are e renganaki ma b'aan te oriwa. Bon kanoan Rewi aikai ake a na baairei rawaawatan ma m'aitin taiani karea.

Te Otinako 16:36

Te b'ai n taurawawata are b'ainaki n te tai arei, e kan tii teboo ma uabwi te kirokuraem.

Te Otinako 29:2

Ao i mwiina, kam na karaoi ten aekaki taian kariki aika aki karikaki. Tabeua mai iai b'a taian kariki aika a buubura, ao tabeua b'a taiani kariki aika uarereke aika renganaki ma b'aan te oriwa, ao nikirana a na karaoaki b'a taian kariki aika mmani aika kabiraki aoia n te oera.

Nakoaia Ibonga 23:13

n ikotaki ma uoua te kiro te buraawa ae e manti raoi ae e renganaki n te oera. E na katokaa i aon te baonikarea are te buraonti, ao e na kanakoa nako Iu n te bubu ae e boiarara ae e kakukureiai. I rarikin naba baikai, kam riai naba n uota teuana te riita te wain b'a te karea ae te mooi.

Nakoaia Ibonga 5:1

Aikai buure ake a tangira te Angab'ai I bukin te Bure. Ngkana iai ae e tangiraki b'a e na anga te kakoaua n te bowi, ao e aki anga te rongorongo n te b'ai are e nooria ke e ongo raoi, e na riai n okiria mwiina.

Nakoaia Ibonga 5:11

Ngkana arona b'a e aki konaa te aomata ni karekei uoman taian taobe ke uoman taian bitin, ao e na riai ni uota teuana te kirokuraem te buraawa b'a te karea ni kab'ara bure. E na aki riai ni kaaki b'aan te oriwa teutana i aon te baonikarea ke teutana naba te b'ai ni kaboiarara are e kaakabubuaki, i bukina b'a te karea ni kab'arabure, ao tiaki te karea are te uita.

Nakoaia Ibonga 6:11

Ao e na manga oneia nakon kunnikaina ake mai m'aaina, ao e na uoti taian mannang nako tinanikun te kaawa n te tabo are a kakarenakoaki iai taian maange.

Nakoaia Ibonga 6:19

Aikai Tuua ake E anga te UEA nakoni Moote

Warekaia Iteraera 28:10

Kam na riai ni kareani uoman taian tiibu mm'aane aika kaka teuana aia ririki ni maiu b'a te karea are kakukureiau. A na riai n akea toabuakan rab'ataia tiibu mm'aane aikai, ao a na kareanaki ma te karea are te mooi, ao aua te rawawata te buraawa man ami buraawa are te kabanea n tamaroa are renganaki ma b'aan te oriwa.

Warekaia Iteraera 28:3

Kam na kakareani uoman taian tiibu mm'aane aika kaka teuana aia ririki ni maiu ni katoa bong b'a ami karea are kakukureiai. A na riai n aki toabuaka rab'ataia maan.

Warekaia Iteraera 4:16

Taben Ereata are natin Aaron are te ibonga, bon te tararua b'aan taian taura, b'ai ni kaboiarara, uita i bukin te karea, ao b'aan te oriwa i bukin te katabutabu. E bon mwiokoaki naba Ereata b'a e na karaua n tara b'ain te Um'antabunrianna, ma b'aina ake a tabu b'a a bon kaawakinaki raoi.

Ebera 5:1

B'a te ibonga ae kakannato e a rineaki mai buakoia raona, b'a e na m'akuri i bukin te Atua i bukiia aomata, b'a e na kakaraoi taromauri ma n anganga karea i bukini buure.

Ebera 7:27

E aki riai i Rouna, n ai aroia ibonga ake a kakannato, b'a E na anga karea n te bong ae koraki, n anga moa i bukin oin ana bure, ao rimwi i bukin aia bure aomata: b'a ti teuana karaoan aei i Rouna, ngke E anga Ngaia b'a te karea.