Nakoaia Ibonga 6:18 - Te B'aib'ara

¹⁸ Ao e na teimatoa n riki b'a tib'angaia kanoan Aaron aika m'aane te am'arake are te karea nakon te UEA. Ao ngkana iai ane e riinga te am'arake are te karea, ao e na raaka iai i bukina ngke e tabu.

Nakoaia Ibonga 6:18 ပူးပေါင်းရင်းမြစ်များ

Te Otinako 29:37

Kam na karaoa aei i nanon itiua te bong, ao e na riki n tabu iai te baonikarea n te aro are a na bane n tabu akana a riiringnga.

Nakoaia Ibonga 3:17

Bon akea temanna te Iteraera ae na kana te nenea ke te raraa: bon aio te tua ae a na kakawakinna Iteraera ni kabane n taai nako, ao n taabo nako ike a maeka iai.

Nakoaia Ibonga 4:24

E na katokai baina i aon atuun ana karea, ao e na tiringnga n tanimeangin te baonikarea, n te tabo are a titiringaki iai maan i bukin te karea ni kabuokaki. Bon aio te karea i bukin kab'araan bure.

Nakoaia Ibonga 4:3

Ngkana tao te ibonga ae e bure ni kabuakakaia te botannaomata, ao e na uota te kao teteei ae te m'aane ae akea toabuakan rab'atana, ao e na tiringnga b'a ana karea i bukin ana bure.

Nakoaia Ibonga 4:33

E na katokaa baina i aon atuuna ao e na tiringnga i tanimeangin te baonikarea, n te tabo are a titiringaki iai maan i bukin te karea ni kabuokaki.

Nakoaia Ibonga 6:10

Ao te ibonga are kunnikainna n te roobu, ao e kawaerakenna n te rinen, e na kanakoi taian mannang ake a mena n nenea, ao e na katikui i rarikin te baonikarea.

Nakoaia Ibonga 6:19

Aikai Tuua ake E anga te UEA nakoni Moote

Nakoaia Ibonga 6:27

Ngkana iai te aomata ae e riinga irikon te man, ao e na mate, i bukina ngke e rangi n tabu te man anne. Ngkana iai te b'ai ke te kunnikai ae e teberaki n raraan te man anne, ao e na riai n uatiiaki n te ru are tabu.

Nakoaia Ibonga 6:29

A tii konaa ni kana te karea aei m'aane ake a nako man te utu ni ibonga; b'a e bon rangi n tabu.

Nakoaia Ibonga 7:6

A na riai ni kanna m'aane ni kabane ake a nako man taian utu ni ibonga, ma e na riai ni kanaki n te tabo are tabu, i bukina ngke e rangi n tabu.

Warekaia Iteraera 18:10

Ao ngkai a tabu taian b'ai aikai, ao a na riai ni kanaki i rarikin te Um'antabunrianna, ma a na ti am'arake iai taiani mm'aane.

Warekaia Iteraera 18:8

Ao e taku te UEA nakon Aaron, “I a tia n anganiko taiani b'aintangira ma taiani karea ake a uoti nako Iu Iteraera b'a ami b'ai. Ao man te tai aei nakon taai aika na roko ko na b'aina m'akoron te karea ni kab'arabure natim mm'aane, ao kanoam,

1.I-Korinto 9:13

Kam aki ataiia ake a kakarao taromauri n te um'antabu b'a a karekei kanaia man te um'antabu, ao te koraki ake a karao taromauri n angakarea b'a iai tib'angaia ni baike a kareanaki?

1.Betero 1:16

B'a e koreaki ae kaangai, “Kam na itiaki b'a I itiaki Ngai.”

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.