Nakoaia Ibonga 6:13 - Te B'aib'ara

¹³ E na kateimatoaki uran ain te baonikarea, ao e na aki titiringaki.

Nakoaia Ibonga 6:13 ပူးပေါင်းရင်းမြစ်များ

Te Otinako 29:1

Kam na rinea te kaomm'aane ae uarereke ao uoman tiibu mm'aane aika akea toabuakan rab'ataia, ngkana kam na katabuaia natin Aaron b'a a na riki b'a au ibonga.

Te Otinako 29:2

Ao i mwiina, kam na karaoi ten aekaki taian kariki aika aki karikaki. Tabeua mai iai b'a taian kariki aika a buubura, ao tabeua b'a taiani kariki aika uarereke aika renganaki ma b'aan te oriwa, ao nikirana a na karaoaki b'a taian kariki aika mmani aika kabiraki aoia n te oera.

Te Otinako 29:40

Kam na anga ni kaairia ma te tiibuteteei, teuana te kirokuraem te buraawa ae e renganaki ma teuana te riita b'aan te oriwa ni koaua b'a te angab'ai.

Itaia 31:9

A na b'aka aia nono Ngkana e oroia te kangaanga ao ane a na maaku aia aobitia ma ni biri nako man te buaka. Bon aei te b'ai ae e a tia n taekinna te UEA, are e karaoaki ana nnenikanaiai i aon te Maunga are Tion.

Etekiera 40:46

ao te kateitei are i rarikin te mataroa are i maiaki bon aia b'ai ibonga ake a m'akuri n te baonikarea. Kanoan Tatoka ngaiia ni kabane bon ti ngaiia kanoan Rewi aika a kariaiakaki b'a a na riki b'a ana ibonga te UEA.

Nakoaia Ibonga 6:12

E na kateimatoaki uran ain te baonikarea, ao e na aki titiringaki. E na katoa ingabong te ibonga ni kakarea aana n te aia, ao ni baarongai raoi karea ni kabuokaki ake i aona, ma nenean naba te karea n raoi.

Nakoaia Ibonga 6:14

Aikai tuua i bukin te karea are te uita. A na riai ni uota te karea are te uita ibonga ake kanoan Aaron nakon te UEA i matan te baonikarea.

Nakoaia Ibonga 6:9

b'a e na angan Aaron ma natina tuua i bukin te Karea ni kabuokaki. E na katukaki te karea ni kabuokaki i aon te baonikarea ni kangainaa, ao e na aki mate aina.

Nakoaia Ibonga 9:24

Ao E kanakoa te ai te UEA n te tai ae e karina, ao e kamannangii karea ni kabuokaki ma m'akoron te man ake a nenea ake i aon te baonikarea. Ao ngke a noora arei aomata, a bane n takaarua ao a bobaraaki ni kabo mataia ma aontano.