Nakoaia Ibonga 5:7 - Te B'aib'ara

⁷ Ngkana arona b'a e aki konaa te aomata ni karekea te tiibu ke te kooti, ao e na uoti nakon te UEA b'a boon ana bure uoman te taobe ke uoman te bitin. Temanna i bukin te karea ni kab'arabure, ao are temanna i bukin te karea ni kabuokaki.

Nakoaia Ibonga 5:7 ပူးပေါင်းရင်းမြစ်များ

Nakoaia Ibonga 12:6

Ao ngkana a bane raoi ana bong ni kaitiaki, b'a tao mwiin bungiakin te nati te m'aane ke te nati te aine, ao e na uota te tiibuteteei ae teuana ana ririki ni maiu b'a ana karea ni kabuokaki, ao te bitin ke te taobe i bukin ana karea ni kab'arabure, ao e na angan te ibonga i mataroan ana Um'antabunrianna te UEA.

Nakoaia Ibonga 12:8

Ngkana arona b'a e aki kona ni karekea te tiibuteteei te aine, ao e kona ni uoti uoman te taobe ke uoman te bitin, temanna i bukin te karea ni kabuokaki ao are temanna i bukin te karea ni kab'arabure, ao e na karaoa te m'akuri n angakarea te ibonga i bukin kaitiakan te aine anne man kam'araana, ao e na itiaki iai.

Nakoaia Ibonga 14:30

Ao i mwiina, e na anga temanna te taobe ke te bitin

Nakoaia Ibonga 14:31

i bukin te karea ni kabuokaki. Ao anne ngkanne aron te ibonga ni karaoa te m'akuri ni kaitiaki.

Nakoaia Ibonga 15:30

E na anga temanna te mannikiba te ibonga b'a te karea ni kab'arabure, ao are temanna b'a te karea ni kabuokaki, ao ai anne ngkanne aron te ibonga ni karaoa te m'akuri ni kaitiaki i bukin te aine anne.

Nakoaia Ibonga 16:5

Ao e riai te bootaki n Iteraera n anga uoman taiani kooti aine i bukin te karea ni kab'arabure ao i bukin te karea ni kabuokaki.

Nakoaia Ibonga 27:8

Ngkana kam a tia ni berita b'a kam na anga temanna te aomata nako Iu ma kam aki kona ni kab'aka boon kaokana, kam na uotia nakon te ibonga, ao e na baireia m'aitin ae ko kona ni kab'aka.

Nakoaia Ibonga 5:11

Ngkana arona b'a e aki konaa te aomata ni karekei uoman taian taobe ke uoman taian bitin, ao e na riai ni uota teuana te kirokuraem te buraawa b'a te karea ni kab'ara bure. E na aki riai ni kaaki b'aan te oriwa teutana i aon te baonikarea ke teutana naba te b'ai ni kaboiarara are e kaakabubuaki, i bukina b'a te karea ni kab'arabure, ao tiaki te karea are te uita.

Nakoaia Ibonga 7:1

Aikai tuua i bukin te karea ni kabomwi, ake a rangi n tabu.

Nakoaia Ibonga 9:3

Ao i mwiina, ko na tuangiia Iteraera b'a a na karaoa te kooti te aine i bukin te karea ni kab'arabure, ma te kao te ataei ae ai tib'a teuana ana ririki ni maiu, ao te tiibuteteei ae ai tib'a teuana naba ana ririki ni maiu ae akea toabuakan rab'atana b'a te karea ni kabuokaki,

Warekaia Iteraera 5:6

b'a e na kaangai nakon aia botaki Iteraera: Ngkana iai ane bure nakon raona, ao e a tia iai ni bure nako Iu.

Warekaia Iteraera 6:10

Ao ko na uoti uoman te taobe ke uoman te bitin nakon te ibonga n te Um'antabunrianna n te bong are i mwiina.

Warekaia Iteraera 6:11

Ko na anga temanna te mannikiba b'a am karea i bukin kab'araan am bure, ao ko na anga are temanna b'a te karea are kakukureiau, Ao e na kab'araaki am bure i mwiin kaanian te mate, ao e na manga oki tabun iran atuum.

Mataio 10:16

Noria, I kanakoingkami b'a kaanga tiibu i buakoia kameaanti; ma ngaia are kam na wanawana n ai aroia naeta, ao kam na nimamannei n ai aroia taobe.

Mataio 21:12

E rin Iesu i nanon te um'antabu, ao E kakioia nako ake a bob'ai ma ake a kabob'ai n te um'antabu; ao E karangai aia taibora taan rai m'ane, ma aia kai n tekateka taani kabo nako bitin.

Mataio 3:16

Ngke E a tia ni b'abetitoaki Iesu, ao E aerake naba man te ran, ao noria, e kaukaki karawa nako Ina, ao E nora Tamnein te Atua b'a E ruo n ai aron te taobe, ao E toka i aona;

Ruka 2:24

Ao b'a a na anga te karea n ai aron taekana n ana tua te Uea, are e kangai: Uoman te taobe ke uoman te bitin aika ataei.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.