Nakoaia Ibonga 5:15 - Te B'aib'ara

¹⁵ Ngkana iai ane e bure n tiaki nanona b'a e aki kab'aka boon te b'ai are tabu i bukin te UEA, ao e na riai ni uota ana karea are te kabomwi nakon te UEA ae te tiibu m'aane, ke kooti aika akea toabuakan rab'ataia. E na baaireaki kanoana ni kaineti ma te baaire ae e b'ainaki n te Tembora.

Nakoaia Ibonga 5:15 ပူးပေါင်းရင်းမြစ်များ

2.Uea 12:16

A aki kamanenaaki n te Tembora m'aane ake taian tuua ake a kaairaki ma taian karea i bukin kaetani b'aai, ao karea naba i bukin buure. A b'ainaki m'aane aikai ti irouia ibonga.

Te Otinako 30:13

Ni kabaneia mm'aane aika raka aia ririki i aon tebwi ma ruaiwa,

Etekiera 40:39

Bon iai taibora aika aua, uoua n iteran te ruu teuana. Bon te taibora aei are a titiringaki iai maan ake a na kareanaki, b'a te karea are kakukureian te UEA ke te karea i bukin kaetan b'aai.

Nakoaia Ibonga 1:10

Ngkana iai ane e na anga ana tiibu ke ana kooti, ao e riai n anga te m'aane ae akea toabuakan rab'atana.

Nakoaia Ibonga 1:3

Ngkana iai ane e na anga ana man temanna man ana nanai ni kao b'a te karea are kakukureiau, i aon te baonikarea are te buraonti ao e riai n anga ana kao te m'aane ae akea toabuakan rab'atana. E na uotia nakon te UEA i mataroan ana Um'antabunrianna te UEA, b'a e aonga ni butim'aeaki iroun te UEA.

Nakoaia Ibonga 14:12

Ao i mwiina, e na manga anaa temanna te tiibu teteei te aine te ibonga ma te katenim'akoro te riita b'aan te oriwa, ao e na anga b'a te karea ni kabomwi. E na anga b'a te b'ai n tangira nakon te UEA i bukin te ibonga.

Nakoaia Ibonga 27:3

nimabwi te maibiibi n tirewa i bukiia m'aane ae aia ririki uabwi nakon onobwi,

Nakoaia Ibonga 4:2

b'a e na tuangiia Iteraera ake a bure n urui ana Tua te UEA n tiaki nanoia.

Nakoaia Ibonga 5:14

E angan Moote tuua aikai te UEA.

Nakoaia Ibonga 5:16

E na riai n anga ana kabomwi ake e aki konaa ngkoa, ao e riai b'a e na raonna n te bakao ae uabwi te katebubua. E na anga nakon te ibonga, ao e na anga te man te ibonga b'a te karea i bukin ana bure te tia bure arei, ao e na kab'araaki ana bure iai.

Nakoaia Ibonga 5:18

E na riai ni uoti tiibu m'aane ke kooti aika akea toabuakan rab'ataia nakon te ibonga b'a ana karea are te kabomwi. E na katautauaki m'aitin boona ni kaineti ma te babaaire ae e b'ainaki n te Tembora. E na riai te ibonga n anga te karea i bukin te bure are e karaoia te m'aane arei n tiaki nanona, ao e na kab'araaki ana bure iai.

Nakoaia Ibonga 6:6

Ao e na uota te tiibu m'aane ke te kooti m'aane ae akea toabuakan rab'atana nakon te ibonga b'a ana karea ni kabomwi nakon te UEA. Ao e na baaireaki boona nakon te bo are e b'ainaki n te Um'antabunrianna.

Nakoaia Ibonga 7:1

Aikai tuua i bukin te karea ni kabomwi, ake a rangi n tabu.

Nakoaia Ibonga 7:6

A na riai ni kanna m'aane ni kabane ake a nako man taian utu ni ibonga, ma e na riai ni kanaki n te tabo are tabu, i bukina ngke e rangi n tabu.

Warekaia Iteraera 15:24

Ngkana kam bane n aki ongotaeka nakon Au tua teuana n tiaki nanomi, ao kam na anga te kaomm'aane b'a te karea are kakukureiau, n ikotaki ma te karea ae te uita, ao te angab'ai are te wain, ao te kooti b'a te karea i bukin kab'araani buure.

Warekaia Iteraera 5:5

Ao e tuangaki Moote iroun te UEA

Warekaia Iteraera 5:8

Ao ngkana tao arona b'a akea naba ana koraki te aomata are ko bure nako ina are e na butim'aea te m'ane ni kabomwi, ao e na riki b'a au b'ai, ao ko na angan te ibonga. Ao raonan te kabomwi anne, ko na uota te tiibu mm'aane nakon te ibonga b'a a aonga ni kab'araaki am bure.

Te Tua-Kaua 12:26

A na bane taiani karea ma angab'ai nakon te UEA ni uotaki nakon te tabo are E a tia n rinei te UEA b'a taabo n taromauri.

1.Tamuera 6:3

Ao a taku taiani ibonga ma taani kaiwa, “Kam na aki kaokia ma akea uotami. Kanakoa ma ami b'aintangira i bukin kab'araan ami bure. Ao i mwiina, ane kam na kamaiuaki, ao ane kam na kunea b'a bukin tera ngkai E karawawataingkami te UEA.”