Nakoaia Ibonga 5:13 - Te B'aib'ara

¹³ E na anga te karea te ibonga n aron aei i bukin ana bure te m'aane arei, ao e na kab'araaki ana bure. Ao nikiran te buraawa e na b'ainna te ibonga, n aron are karaoaki naba n te anga karea are te uita.

Nakoaia Ibonga 5:13 ပူးပေါင်းရင်းမြစ်များ

Otea 4:8

Kam kaungai nanoia tabem'aang b'a a na bure, b'a kam na konaa ni kaoningkami n aia karea ni kab'ara bure.

Nakoaia Ibonga 2:10

Aia b'a ibonga nikiran te karea; e bon rangi n tabu te am'arake anne i bukina ngke a anaaki man taian am'arake ake taian karea nakon te UEA.

Nakoaia Ibonga 2:3

Ao a na b'aina nikiran te karea ibonga. A rangi n tabu am'arake aikai i bukina ngke a anaaki man am'arake ake taian karea nakon te UEA.

Nakoaia Ibonga 4:20

E na karaoa ae ti te arona nakon te kao aei ma are e karaoia nakon te kao are i bukin te karea ni kab'arabure, ao ai anne ngkanne arona ni karaoa te angakarea i bukin aia bure aomata, ao a na kab'araaki aia bure iai.

Nakoaia Ibonga 4:26

Ao e na manga kabuoki taian nenea ni kabane i aon te baonikarea n ai aron naba kabuokan nenean te man are e tiringaki i bukin te karea n raoi. Ao anne ngkanne aron te ibonga n anga te karea i bukin kab'araan ana bure te tia tautaeka, ao e na kab'araaki iai ana bure.

Nakoaia Ibonga 4:31

Ao e na kanakoi taian nenea ni kabane, n ai aron naba kanakoakin nenean te man are tiringaki i bukin te karea n raoi, ao e na kabuokaki i aon te baonikarea b'a te karea ae boiarara nakon te UEA. Ao ai anne ngkanne aron te ibonga n anga te karea i bukin ana bure te aomata, ao e na kab'araaki ana bure.

Nakoaia Ibonga 5:10

Ao i mwiina, e na anga te kateniman ni mannikiba b'a te karea ni kabuokaki, ni kaineti ma taiani kaetieti. E na anga te karea te ibonga n te aro aei i bukin ana bure te m'aane anne, ao a na kab'araaki ana bure.

Nakoaia Ibonga 5:12

E na riai ni uoti nakon te ibonga, are e na anaa te abutana mai iai b'a te b'aintangira are kaanga arina ae e na anganaki te UEA, ao e na kabuokia i aon te baonikarea b'a te karea are te am'arake. Bon te karea i bukin kab'araan buure.

Nakoaia Ibonga 5:14

E angan Moote tuua aikai te UEA.

Nakoaia Ibonga 5:16

E na riai n anga ana kabomwi ake e aki konaa ngkoa, ao e riai b'a e na raonna n te bakao ae uabwi te katebubua. E na anga nakon te ibonga, ao e na anga te man te ibonga b'a te karea i bukin ana bure te tia bure arei, ao e na kab'araaki ana bure iai.

Nakoaia Ibonga 5:4

Ngkana iai te aomata ae e karaoa te taeka ni bau n aki akaaka, e na kaboaki ana bure iai n te tai naba are e ataa iai te b'ai are e a tia ni karaoia.

Nakoaia Ibonga 5:5

Ngkana e reke n te bure te aomata, e na riai ni kaota ana bure,

Nakoaia Ibonga 5:6

ao tuaana i bukin ana bure e na uota te tiibu te aine, ke te kooti b'a ana karea nakon te UEA. Ao a na anga te karea anne ibonga i bukin ana bure te m'aane anne.

Nakoaia Ibonga 7:6

A na riai ni kanna m'aane ni kabane ake a nako man taian utu ni ibonga, ma e na riai ni kanaki n te tabo are tabu, i bukina ngke e rangi n tabu.

1.I-Korinto 9:13

Kam aki ataiia ake a kakarao taromauri n te um'antabu b'a a karekei kanaia man te um'antabu, ao te koraki ake a karao taromauri n angakarea b'a iai tib'angaia ni baike a kareanaki?

1.Tamuera 2:28

I rineia ami utu b'a Au ibonga mai buakoia barongan Iteraera. I tangiria b'a a na anga karea ma ni kabuoki taiani b'ai ni kaboiarara nako Iu ma ni kakaaea b'a tera ae I tangiria b'a a na karaoia Au aomata.