Nakoaia Ibonga 4:7 - Te B'aib'ara

⁷ Ao i mwiina, e na kararaaea koron koonan te baonikarea are i bukin karea aika boiarara, are i nanon te Um'antabunrianna. E na kabanea ni kab'aroa nikiran te raraa i oin te baonikarea are i mataroan te Um'antabunrianna.

Nakoaia Ibonga 4:7 ပူးပေါင်းရင်းမြစ်များ

Taian Areru 118:27

Bon te Atua te UEA; E a tia n anganiira te oota! Moana te bootaki ni kukurei! Kam na m'ananga ma m'angani kaai ao waaki nakon te baonikarea.

Te Otinako 29:12

Kamanenai tabonibaimi ni kabiri koonan te baonikarea n tatabeua nako ao kab'aroa nikiran te raraa i aon te tano i rarikin te baonikarea.

Nakoaia Ibonga 1:5

E na tiringaki te kao m'aane ikanne i matan te UEA, ao e na uotaki te raraa nakon te UEA irouia ibonga ake natin Aaron, ao a na tatauriia koonan te baonikarea ake aua n te raraa, are te baonikarea are tei i mataroan te Um'antabunrianna.

Nakoaia Ibonga 16:18

ao e na manga otinako nakon te baonikarea are b'aini kabuokan taiani karea, ao e na kaitiakia. E na riai ni uota teutana raraan te kaom'aane, ao teutana raraan te kooti, ao e na kaaki teutana i aon koron koonan te baonikarea.

Nakoaia Ibonga 4:18

E na kararaaea koron te baonikarea n te b'ai ni kaboiarara are e kaakabubuaki, are e mena i nanon te Um'antabunrianna, ao e na kabanea ni kab'aroa nikiran te raraa i oin te baonikarea are i bukin kabuokan te karea, are e mena i mataroan te Um'antabunrianna.

Nakoaia Ibonga 4:25

E na kateboa tabonibaina te ibonga i nanon te raraa, ao e na kararaaea iai koron te baonikarea ake aua, ao e na kab'aroa nikirana ni kabanea i oin te baonikarea are b'ain kabuokan te karea ni kabuokaki.

Nakoaia Ibonga 4:30

E na kateboa tabonibaina te ibonga i nanon raraan te man, ao e na kararaaea iai koron te baonikarea ake aua, ao e na kab'aroa nikirana i oin te baonikarea.

Nakoaia Ibonga 4:34

E na kateboa tabonibaina te ibonga i nanon raraan te man, ao e na kararaaea iai koonan te baonikarea ake aua, ao e na kab'aroa nikirana ni kabane i oin te baonikarea.

Nakoaia Ibonga 5:9

ao e na tatauriia rarikin nako te baonikarea n raraana. Nikiran te raraa e na kab'aroaki i oin te baonikarea. Bon aei te karea i bukin kab'araan buure.

Nakoaia Ibonga 6:30

Ma ngkana e uotaki te raraa nakon te Um'antabunrianna, ao e na kabonganaaki i bukin kab'araan buure, ao e na aki kanaki te man anne, ma e na kabuokaki ni kabane rab'atana.

Nakoaia Ibonga 8:15

Ao e tiringa te man Moote, ao e anaa raraana teutana, ao e kateboa tabonibaina iai, ao e kararaaea koonan te baonikarea ake aua iai, b'a kaanga katabuana. Ao e a kabanea ni kab'aroa nikiran te raraa i oin te baonikarea. Ao anne arona ni karaoa te katabu ma te kaitiaki.

Nakoaia Ibonga 9:9

A uota te raraa natina m'aane nako ina, ao e kateboa tabonibaina iai, ao e kararaei koron te baonikarea ake aua, ao e kab'aroa nikirana i aon te baonikarea.

I-Ebeto 2:13

Ma ngkai kam a katiteuanaki ma Kristo Iesu, ngkami ake kam raroa nako ngkoa ma te Atua, kam a riki ni kaan n raraani Kristo.

Ebera 9:15

I bukin aei ngkanne, ao Kristo boni Ngaia ae buoka reken te boraraoi ae boou, are a kona iai te koraki ake a weteaki iroun te Atua ni kab'aib'aiaki n te kab'aia ae akea tokina, are E a tia te Atua n taekinna n ana taeka n akoi. E kona ni karaoaki aei i bukina b'a iai te mate are kainaomataia aomata man taiani bure ake a karaoi ngke bon iai te moa ni boraraoi.

Ebera 9:21

Ao e katimtim'a naba te raraa Moote n te aro naba arei i aon te um'a ao i aoni b'aai nako ake b'ain te taromauri.

Te Kaotioti 6:9

Ao ngke E kaaki te b'ai ni kanim are te kanikina are te kanimaua, ao I nooriia aomataia ni koaua te koraki ake a kamateaki ngkoa i bukin ana taeka te Atua, ao i bukin naba aroia ni kakaonimaki n tataekina ana taeka te Atua;