Nakoaia Ibonga 4:35 - Te B'aib'ara

³⁵ Ao e na manga kanakoi taian nenea ni kabane, n ai aron kanakoan nenean naba te tiibu are tiringaki b'a te karea n raoi, ao e na kabuokaki i aon te baonikarea, n ikotaki ma te am'arake are te karea nakon te UEA. Ao ai anne aron te ibonga n anga te karea i bukin ana bure te aomata, ao e na kab'araaki ana bure iai.

Nakoaia Ibonga 4:35 ပူးပေါင်းရင်းမြစ်များ

Nakoaia Ibonga 12:8

Ngkana arona b'a e aki kona ni karekea te tiibuteteei te aine, ao e kona ni uoti uoman te taobe ke uoman te bitin, temanna i bukin te karea ni kabuokaki ao are temanna i bukin te karea ni kab'arabure, ao e na karaoa te m'akuri n angakarea te ibonga i bukin kaitiakan te aine anne man kam'araana, ao e na itiaki iai.

Nakoaia Ibonga 14:18

Ao e na kabanea te b'aa are i nanon baina i atuun te aomata anne. Ao ai anne ngkanne arona ni karaoa te angakarea i bukin te m'akuri ni kaitiaki.

Nakoaia Ibonga 14:53

Ao i mwiina, e na kakibanakoa te mannikiba are maiu. Ao ai anne ngkanne arona ni karaoa te m'akuri ni kaitiaki i bukin te auti, ao e a itiaki te auti anne.

Nakoaia Ibonga 15:15

Ao e na anga temanna te mannikiba te ibonga b'a te karea ni kab'arabure, ao are temanna i bukin te karea ni kabuokaki. Ao anne ngkanne arona ni karaoa te m'akuri ni kaitiaki i bukin te aomata anne.

Nakoaia Ibonga 19:22

E na karaoa te m'akuri ni kaitiaki nakon te m'aane aei te ibonga i bukin kaitiakan ana bure, ao te Atua e na kab'araa ana bure.

Nakoaia Ibonga 4:20

E na karaoa ae ti te arona nakon te kao aei ma are e karaoia nakon te kao are i bukin te karea ni kab'arabure, ao ai anne ngkanne arona ni karaoa te angakarea i bukin aia bure aomata, ao a na kab'araaki aia bure iai.

Nakoaia Ibonga 4:26

Ao e na manga kabuoki taian nenea ni kabane i aon te baonikarea n ai aron naba kabuokan nenean te man are e tiringaki i bukin te karea n raoi. Ao anne ngkanne aron te ibonga n anga te karea i bukin kab'araan ana bure te tia tautaeka, ao e na kab'araaki iai ana bure.

Nakoaia Ibonga 5:10

Ao i mwiina, e na anga te kateniman ni mannikiba b'a te karea ni kabuokaki, ni kaineti ma taiani kaetieti. E na anga te karea te ibonga n te aro aei i bukin ana bure te m'aane anne, ao a na kab'araaki ana bure.

Nakoaia Ibonga 5:13

E na anga te karea te ibonga n aron aei i bukin ana bure te m'aane arei, ao e na kab'araaki ana bure. Ao nikiran te buraawa e na b'ainna te ibonga, n aron are karaoaki naba n te anga karea are te uita.

Nakoaia Ibonga 5:6

ao tuaana i bukin ana bure e na uota te tiibu te aine, ke te kooti b'a ana karea nakon te UEA. Ao a na anga te karea anne ibonga i bukin ana bure te m'aane anne.

Nakoaia Ibonga 6:7

E na anga te karea te ibonga i bukin ana bure te aomata, ao e na kab'araaki iai ana bure te aomata anne.

Nakoaia Ibonga 9:7

Ao i mwiina, e taku nakon Aaron, “Naako nakon te baonikarea ao anga te karea ni kab'arabure ao te karea ni kabuokaki i bukin kab'araan aia bure aomata. Ko na kaoti taiani karea aikai b'a kab'araan aia bure aomata, n aron ana taeka te UEA.”

Warekaia Iteraera 15:25

Ao i mwiina, e na tataro te ibonga ni butiai kab'araan ami bure. Ao i bukina ngke kam bon aki kantaningaia b'a kam na karaoa te bure, ao kam anga ami karea,

Warekaia Iteraera 15:28

Ao e na bubutiai te ibonga i bukin kab'araan ami bure.

I-Rom 10:4

B'a Kristo E a tia ni katoka bonganan te Tua i bukiia ake a reke i rouia kaetan aroia n reitaki ma te Atua n aia onimaki.

I-Rom 4:25

are E anga te Atua b'a E na tiringaki i bukin ara bure; ao E a manga kamaiua i bukira, b'a a aonga ni kaetaki arora n reitaki ma te Atua.

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

I-Korote 1:14

are e reke mai Rouna kainaomatakira, ae nanona, b'a a kab'araki ara bure.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 4:14

Ma ngaia aei, ngkai iai ara ibonga ae moanibaan te kakannato, are E a tia n ri buakon taiani karawa, are Iesu are Natin te Atua, ao ti na taua are ti a tia n taekinna i bukina.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

1.Betero 2:22

Akea te bure ae E karaoia, ao E tuai n taekina te kewe.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

1.Ioane 2:2

boni Ngaia te kareanraoi i bukin ara bure; ao tiaki ti ara bure, ma aia bure naba kaain aonnaba ni kabaneia.