Nakoaia Ibonga 4:31 - Te B'aib'ara

³¹ Ao e na kanakoi taian nenea ni kabane, n ai aron naba kanakoakin nenean te man are tiringaki i bukin te karea n raoi, ao e na kabuokaki i aon te baonikarea b'a te karea ae boiarara nakon te UEA. Ao ai anne ngkanne aron te ibonga n anga te karea i bukin ana bure te aomata, ao e na kab'araaki ana bure.

Nakoaia Ibonga 4:31 ပူးပေါင်းရင်းမြစ်များ

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

Etira 6:10

I tangiriia b'a a na konaa n anga aia karea ni kakukurei nakon te Atua ma n tataro naba ibuku ma au utu.

Iobi 42:8

Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Te Otinako 29:18

Ao i mwiina, kam na kakoaua raoi b'a e tinimaki raoi rab'atan te man ni kabane b'a e na kakukureiai boina.

Itaia 42:21

E kaakaraoa ae e raoiroi n taai nako te UEA, ai ngaia are e tangira ana Tua b'a e na rangi n neboaki.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Nakoaia Ibonga 1:13

E na bon kaitiaka kanoannanon ma waen ana karea te aomata, ao te ibonga, e na uota te karea nakon te UEA, ao e na kabuoki ni kabane i aon te baonikarea. E na rangi ni kakukureia te UEA boiararan te karea aei.

Nakoaia Ibonga 1:17

E na taui bain te mannikiba ni kauoua te aomata, ao e na katikia ni katabwena rab'atan te mannikiba, ma e na aki kounako bain te mannikiba. Ao i mwiina, e na kabuokia i aon te baonikarea. E bon rangi ni kakukureia te UEA boiararan te karea aei.

Nakoaia Ibonga 1:9

E na bon kaitiaka kanoannanon, ma waen ana man te aomata, ao te ibonga e na kabuoka te karea ni kabane rab'atana i aon te baonikarea. E na rangi ni kakukureia te UEA te angakarea anne.

Nakoaia Ibonga 14:18

Ao e na kabanea te b'aa are i nanon baina i atuun te aomata anne. Ao ai anne ngkanne arona ni karaoa te angakarea i bukin te m'akuri ni kaitiaki.

Nakoaia Ibonga 15:15

Ao e na anga temanna te mannikiba te ibonga b'a te karea ni kab'arabure, ao are temanna i bukin te karea ni kabuokaki. Ao anne ngkanne arona ni karaoa te m'akuri ni kaitiaki i bukin te aomata anne.

Nakoaia Ibonga 19:22

E na karaoa te m'akuri ni kaitiaki nakon te m'aane aei te ibonga i bukin kaitiakan ana bure, ao te Atua e na kab'araa ana bure.

Nakoaia Ibonga 2:2

ao e na uoti nakoia ibonga ake natin Aaron. Ao e na abuta te abutana te buraawa te ibonga, ma b'aan te oriwa, ao te b'ai ni kaboiarara are e kaakabubuaki ni kabane, ao e na kabuoki i aon te baonikarea b'aai ake tatabeuta akekei man taian am'arake ake karea b'a kaanga ai onean mwiin naba te am'arake ni kabane are te karea nakon te UEA. E rangi ni kakukureia te UEA te karea aei, are te am'arake.

Nakoaia Ibonga 2:9

Ao e na anai tatabeuta mai iai te ibonga b'a kaanga arina, are e na anganaki te UEA, ao e na kabuokia i aon te baonikarea. E na rangi ni kakukureia te UEA boiararan te am'arake aei are te karea.

Nakoaia Ibonga 4:19

Ao i mwiina, e na anai ni kabane taian nenea, ao e na kabuoki i aon te baonikarea.

Nakoaia Ibonga 4:26

Ao e na manga kabuoki taian nenea ni kabane i aon te baonikarea n ai aron naba kabuokan nenean te man are e tiringaki i bukin te karea n raoi. Ao anne ngkanne aron te ibonga n anga te karea i bukin kab'araan ana bure te tia tautaeka, ao e na kab'araaki iai ana bure.

Nakoaia Ibonga 4:35

Ao e na manga kanakoi taian nenea ni kabane, n ai aron kanakoan nenean naba te tiibu are tiringaki b'a te karea n raoi, ao e na kabuokaki i aon te baonikarea, n ikotaki ma te am'arake are te karea nakon te UEA. Ao ai anne aron te ibonga n anga te karea i bukin ana bure te aomata, ao e na kab'araaki ana bure iai.

Nakoaia Ibonga 5:10

Ao i mwiina, e na anga te kateniman ni mannikiba b'a te karea ni kabuokaki, ni kaineti ma taiani kaetieti. E na anga te karea te ibonga n te aro aei i bukin ana bure te m'aane anne, ao a na kab'araaki ana bure.

Nakoaia Ibonga 5:6

ao tuaana i bukin ana bure e na uota te tiibu te aine, ke te kooti b'a ana karea nakon te UEA. Ao a na anga te karea anne ibonga i bukin ana bure te m'aane anne.

Nakoaia Ibonga 8:21

Anne te karea ni kabuokaki are te karea are te am'arake, are e rangi ni kakukureia te UEA boiararana.

Warekaia Iteraera 15:25

Ao i mwiina, e na tataro te ibonga ni butiai kab'araan ami bure. Ao i bukina ngke kam bon aki kantaningaia b'a kam na karaoa te bure, ao kam anga ami karea,

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 10:12

Ao ngke E a tia Kristo n anga te karea ae ti teuana i bukini buure, ae manena n aki toki, ao E tekateka i angaatain te Atua;

Ebera 10:14

B'a n te karea ae ti teuana, ao E karaoia iai aika a tia ni kaitiakaki man aia bure b'a a na moa n raoiroi n aki toki.

Ebera 9:12

ao E rin n te tabo are moanibaan te tabu ti teuana te tai ao akea riki, ao E aki uoti raraaia kooti ma buniia kaao, ma E uota oin raraana ao E karekea kamaiuara ae aki totoki.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,