Nakoaia Ibonga 4:3 - Te B'aib'ara

³ Ngkana tao te ibonga ae e bure ni kabuakakaia te botannaomata, ao e na uota te kao teteei ae te m'aane ae akea toabuakan rab'atana, ao e na tiringnga b'a ana karea i bukin ana bure.

Nakoaia Ibonga 4:3 ပူးပေါင်းရင်းမြစ်များ

2.Rongorongo 29:21

A uoti itiman taiani kao, taian tiibu m'aane itiman, itiman taian tiibu teteei, ao itiman taiani kooti b'a taian karea i bukin kab'araan aia bure ana utu Etekia ao kaain Iuta, ao bon kaitiakan naba te Tembora. E tuangiia ibonga Etekia ake ana kariki Aaron, b'a a na karea taian man aikai i aon te baonikarea.

Etira 8:35

Ao koraki ake a oki man te kataenikaiaki a angakarea i aon te baonikarea nakon Atuaia Iteraera. A kareanaki tengaun ma uoman kaao i aon te baonikarea i bukiia Iteraera ni kabane, n ikotaki ma ruangaun ma onoman tiibu m'aane ao itingaun ma itiman tiibu ataei. Ao a kareanaki tengaun ma uoman kooti i bukin aia bure aomata.

Te Otinako 29:14

Ma a na riai ni kabuokaki i tinanikun aia maeka te iriko ni man, te kun, ao te am'arake are tiku i nanon biroton te kaomm'aane b'a te angab'ai i bukin te buubuti kab'araan aia bure ibonga.

Te Otinako 29:21

Ao i mwiina, anaa teutana te raraa man te baonikarea, ao renganna ma te oera are e kamanenaaki i bukin te katabutabu, ao tatauriia iai kunnikain Aaron, ao kunnikaia naba natina mm'aane. E na kaotaki iai b'a a tia ni katabuaki ma aia kunnikai nako Iu.

Te Otinako 29:7

ao i mwiina, kam na katabua ni kab'aroa i aon atuuna b'aan te oriwa.

Te Otinako 30:10

E na katoa ririki Aaron ni kaitiaka te baonikarea n taauria aon koonana ake aua raraan te man are e kareanaki i bukin te bure, ao e riai n ira te m'akuri aei n taai nako. E a tabu te baonikarea b'a e a tia ni katabuaki b'a au b'ai.

Etekiera 40:39

Bon iai taibora aika aua, uoua n iteran te ruu teuana. Bon te taibora aei are a titiringaki iai maan ake a na kareanaki, b'a te karea are kakukureian te UEA ke te karea i bukin kaetan b'aai.

Etekiera 43:19

Bon ti ibonga ake man te baronga are Rewi man ana utu Tatoka are te ibonga aika ana m'akuri n au Tembora; bon au Tua aei. Ma ngaia ae kam na anganiia te kaom'aane te teei b'a a na tiringnga b'a te karea i bukin aia bure.

Etekiera 44:27

e na nakon katawanangin te Tembora ao e na anga te karea i bukin ana bure. I mwiin anne, e na manga konaa n riki b'a Au ibonga. Bon aei Au taeka Ngai ae te UEA ae te Atua.

Nakoaia Ibonga 1:10

Ngkana iai ane e na anga ana tiibu ke ana kooti, ao e riai n anga te m'aane ae akea toabuakan rab'atana.

Nakoaia Ibonga 1:3

Ngkana iai ane e na anga ana man temanna man ana nanai ni kao b'a te karea are kakukureiau, i aon te baonikarea are te buraonti ao e riai n anga ana kao te m'aane ae akea toabuakan rab'atana. E na uotia nakon te UEA i mataroan ana Um'antabunrianna te UEA, b'a e aonga ni butim'aeaki iroun te UEA.

Nakoaia Ibonga 16:11

Ngke e anga te karea Aaron are te karea ni kab'arabure bon i bukina ma ana utu,

Nakoaia Ibonga 16:3

Ko na riai n anga te kaom'aane b'a te karea i bukin am bure nako ao te tiibu m'aane i bukin te karea are kakukureiau ngkana ko na rin te tabo are Moan te Tabu aei.”

Nakoaia Ibonga 16:5

Ao e riai te bootaki n Iteraera n anga uoman taiani kooti aine i bukin te karea ni kab'arabure ao i bukin te karea ni kabuokaki.

Nakoaia Ibonga 16:6

E na riai n anga te kaom'aane i bukin te karea i bukin kab'araan aia bure kaain ana utu.

Nakoaia Ibonga 4:14

ao n te tai are a ataa iai aia bure, ao e na uota ana kao teteei te bootaki n Iteraera b'a te karea ni kab'arabure. A na uotia nako matan te UEA n te Um'antabunrianna;

Nakoaia Ibonga 4:23

ao e n a riai ni waekoa ni uota te kooti m'aane ae akea toabuakan rab'atana b'a ana karea.

Nakoaia Ibonga 4:28

ao e na anga te kooti te aine ae akea toabuakan rab'atana b'a ana karea.

Nakoaia Ibonga 4:5

Ao e na anaa te raraa te ibonga, ao e na uotia nako nanon te Um'antabunrianna.

Nakoaia Ibonga 5:6

ao tuaana i bukin ana bure e na uota te tiibu te aine, ke te kooti b'a ana karea nakon te UEA. Ao a na anga te karea anne ibonga i bukin ana bure te m'aane anne.

Nakoaia Ibonga 6:18

Ao e na teimatoa n riki b'a tib'angaia kanoan Aaron aika m'aane te am'arake are te karea nakon te UEA. Ao ngkana iai ane e riinga te am'arake are te karea, ao e na raaka iai i bukina ngke e tabu.

Nakoaia Ibonga 8:12

Ao E katabua Aaron ni kab'aroa te b'aa teutana i aon atuuna.

Nakoaia Ibonga 9:2

E taku nakon Aaron, “Anaa te kao te ataei ao te tiibu te m'aane ae akea toabuakan rab'ataia ao anga nakon te UEA, te kaom'aane i bukin te karea ni kab'arabure ao te tiibu m'aane i bukin te karea ni kabuokaki.

Nakoaia Ibonga 9:3

Ao i mwiina, ko na tuangiia Iteraera b'a a na karaoa te kooti te aine i bukin te karea ni kab'arabure, ma te kao te ataei ae ai tib'a teuana ana ririki ni maiu, ao te tiibuteteei ae ai tib'a teuana naba ana ririki ni maiu ae akea toabuakan rab'atana b'a te karea ni kabuokaki,

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

Warekaia Iteraera 8:8

A na uota mai te kao mm'aane, ao te uita are te karea ni koaua, are te buraawa ae renganaki ma b'aan te oriwa. Ao a na manga uota mai te kao mm'aane are te kauoman b'a te karea ni kab'arai bure.

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Ebera 5:3

i bukini mamarana anne, ao e bon riai b'a e na anga karea tiaki ti i bukin aia bure aomata, ma i bukin naba oin ana bure.

Ebera 9:12

ao E rin n te tabo are moanibaan te tabu ti teuana te tai ao akea riki, ao E aki uoti raraaia kooti ma buniia kaao, ma E uota oin raraana ao E karekea kamaiuara ae aki totoki.