Nakoaia Ibonga 4:25 - Te B'aib'ara

²⁵ E na kateboa tabonibaina te ibonga i nanon te raraa, ao e na kararaaea iai koron te baonikarea ake aua, ao e na kab'aroa nikirana ni kabanea i oin te baonikarea are b'ain kabuokan te karea ni kabuokaki.

Nakoaia Ibonga 4:25 ပူးပေါင်းရင်းမြစ်များ

Te Otinako 29:12

Kamanenai tabonibaimi ni kabiri koonan te baonikarea n tatabeua nako ao kab'aroa nikiran te raraa i aon te tano i rarikin te baonikarea.

Itaia 40:21

Ko tuai man ataia? Ko tuai man ongongo, E bon aki teretere raoi b'a bon te Atua ae e karika te aonnaba?

Nakoaia Ibonga 16:18

ao e na manga otinako nakon te baonikarea are b'aini kabuokan taiani karea, ao e na kaitiakia. E na riai ni uota teutana raraan te kaom'aane, ao teutana raraan te kooti, ao e na kaaki teutana i aon koron koonan te baonikarea.

Nakoaia Ibonga 17:11

A mena maiuia baika a maiu n te raraa. Ma ngaia are, E tua te UEA b'a a na kab'aroaki raraaia man aika kawakawa i aon te baonikarea b'a a na uotinako aia bure aomata. Te raraa bon te maiu, ao e uotinako aia bure aomata.

Nakoaia Ibonga 4:18

E na kararaaea koron te baonikarea n te b'ai ni kaboiarara are e kaakabubuaki, are e mena i nanon te Um'antabunrianna, ao e na kabanea ni kab'aroa nikiran te raraa i oin te baonikarea are i bukin kabuokan te karea, are e mena i mataroan te Um'antabunrianna.

Nakoaia Ibonga 4:24

E na katokai baina i aon atuun ana karea, ao e na tiringnga n tanimeangin te baonikarea, n te tabo are a titiringaki iai maan i bukin te karea ni kabuokaki. Bon aio te karea i bukin kab'araan bure.

Nakoaia Ibonga 4:30

E na kateboa tabonibaina te ibonga i nanon raraan te man, ao e na kararaaea iai koron te baonikarea ake aua, ao e na kab'aroa nikirana i oin te baonikarea.

Nakoaia Ibonga 4:34

E na kateboa tabonibaina te ibonga i nanon raraan te man, ao e na kararaaea iai koonan te baonikarea ake aua, ao e na kab'aroa nikirana ni kabane i oin te baonikarea.

Nakoaia Ibonga 4:7

Ao i mwiina, e na kararaaea koron koonan te baonikarea are i bukin karea aika boiarara, are i nanon te Um'antabunrianna. E na kabanea ni kab'aroa nikiran te raraa i oin te baonikarea are i mataroan te Um'antabunrianna.

Nakoaia Ibonga 5:9

ao e na tatauriia rarikin nako te baonikarea n raraana. Nikiran te raraa e na kab'aroaki i oin te baonikarea. Bon aei te karea i bukin kab'araan buure.

Nakoaia Ibonga 8:10

Ao e anaa te b'aa ni katabutabu Moote, ao e kab'aroa teutana i aon te Um'antabunrianna, ma b'aai ni kabane ake a mena i nanona, ao e katabui b'aai ni kabane n te aro anne nakon te UEA.

Nakoaia Ibonga 8:15

Ao e tiringa te man Moote, ao e anaa raraana teutana, ao e kateboa tabonibaina iai, ao e kararaaea koonan te baonikarea ake aua iai, b'a kaanga katabuana. Ao e a kabanea ni kab'aroa nikiran te raraa i oin te baonikarea. Ao anne arona ni karaoa te katabu ma te kaitiaki.

Nakoaia Ibonga 9:9

A uota te raraa natina m'aane nako ina, ao e kateboa tabonibaina iai, ao e kararaei koron te baonikarea ake aua, ao e kab'aroa nikirana i aon te baonikarea.

I-Rom 10:4

B'a Kristo E a tia ni katoka bonganan te Tua i bukiia ake a reke i rouia kaetan aroia n reitaki ma te Atua n aia onimaki.

Ebera 2:10

Bon te b'ai ae riai iroun te Atua, are Ngaia ae kariki b'aai ma ni kateimatoai aroia, b'a E na karaoa Iesu b'a E na bobonga raoi arona n te maraki, b'a a aonga natin te Atua aika bati ni buokanib'ai ma Iesu ni mimitongin te Atua. B'a Iesu boni Ngaia ae kairiia nakon te kamaiuaki.

Ebera 9:22

Ao n aron taekan te Tua, a kuri ni bane b'aai ni kaitiakaki n te raraa; ao ngkana akea katutuan te raraa, ao akea naba kab'arani buure.