Nakoaia Ibonga 4:21 - Te B'aib'ara

²¹ Ao i mwiina, e na uotaanako te kao nako tinanikun te kaawa, ao e na kabuokia ikanne n ai aron are e karaoia naba nakon te kao are te karea, are bon i bukin kab'araan ana bure. Ao ai anne ngkanne te angakarea i bukin kab'araan aia bure aomata.

Nakoaia Ibonga 4:21 ပူးပေါင်းရင်းမြစ်များ

Etira 8:35

Ao koraki ake a oki man te kataenikaiaki a angakarea i aon te baonikarea nakon Atuaia Iteraera. A kareanaki tengaun ma uoman kaao i aon te baonikarea i bukiia Iteraera ni kabane, n ikotaki ma ruangaun ma onoman tiibu m'aane ao itingaun ma itiman tiibu ataei. Ao a kareanaki tengaun ma uoman kooti i bukin aia bure aomata.

Te Otinako 29:14

Ma a na riai ni kabuokaki i tinanikun aia maeka te iriko ni man, te kun, ao te am'arake are tiku i nanon biroton te kaomm'aane b'a te angab'ai i bukin te buubuti kab'araan aia bure ibonga.

Etekiera 45:22

Ni moani bongina, e na uota te kao te tia tautaeka ao e na anga b'a te karea i bukin ana bure ao i bukin aia bure aomata.

Nakoaia Ibonga 16:15

I mwiin anne, e na tiringa te kooti i bukin kab'araan aia bure aomata, ao e na uota raraana nakon te Tabo are Moan te Tabu, ao e na taataauria aon matan te Atiniberita, ao i mwiina, nanoaan te Atiniberita, n aron are e karaoia naba ma raraan te kaom'aane.

Nakoaia Ibonga 16:21

Ao ko na katokai baim i aona ikekei, ngke ko tabe ni kaoti aia bure aomata ake a tia ni karaoi, ao ko na rinea temanna are e na kaira te kooti nakon te rereua, b'a e aonga ni uotinako aia bure nako.

Nakoaia Ibonga 16:27

A na uotaki nikiran b'ain te kaom'aane ao raraan te kooti are e uotaki raraana nakon te tabo are Moan te Tabu, ao e na manga uotaki ni kaotinakoaki i tinanikun te maeka ma ni kabuokaki.

Nakoaia Ibonga 4:13

Ngkana arona b'a ai bon te botannaomata ae Iteraera ae bure n urua ana Tua te UEA teuana n tiaki nanoia,

Nakoaia Ibonga 4:20

E na karaoa ae ti te arona nakon te kao aei ma are e karaoia nakon te kao are i bukin te karea ni kab'arabure, ao ai anne ngkanne arona ni karaoa te angakarea i bukin aia bure aomata, ao a na kab'araaki aia bure iai.

Nakoaia Ibonga 6:11

Ao e na manga oneia nakon kunnikaina ake mai m'aaina, ao e na uoti taian mannang nako tinanikun te kaawa n te tabo are a kakarenakoaki iai taian maange.

Nakoaia Ibonga 6:23

Bon akea m'akoron te karea are te uita are karaoa te angakarea iai te ibonga ae na kanaki; a na bane ni kabuokaki ni kabane.

Nakoaia Ibonga 8:17

Ao e anaa te kao m'aane ni kabane, ma kunna, irikona, kanoannanona, ao e kabuoki i tinanikun te maeka, n ai aron ana mwioko te UEA.

Warekaia Iteraera 15:24

Ngkana kam bane n aki ongotaeka nakon Au tua teuana n tiaki nanomi, ao kam na anga te kaomm'aane b'a te karea are kakukureiau, n ikotaki ma te karea ae te uita, ao te angab'ai are te wain, ao te kooti b'a te karea i bukin kab'araani buure.

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Ebera 13:11

B'a rab'ataia maan akana uotaki raraaia nako nanon te tabo are tabu i bukini kab'arani buure iroun te ibonga ae kakannato, a kabuokaki i tinanikun te ne ni maeka n rianna.