Nakoaia Ibonga 4:2 - Te B'aib'ara

² b'a e na tuangiia Iteraera ake a bure n urui ana Tua te UEA n tiaki nanoia.

Nakoaia Ibonga 4:2 ပူးပေါင်းရင်းမြစ်များ

Karikani B'aai 20:9

Ao e wetea Aberaam Abimereka, ao e titirakinna ni kaangai, “Tera ngkai ae ko a tia ni karaoia nako ira? Tera au kaairua ae I a tia ni karaoia nako im, ngkai ko karokoa iai te kangaanga aei nako iu ma au tautaeka? Bon akea ae e a tia ni karaoa anne nako iu.

Taian Areru 19:12

Antai ae kona n nora oin ana kairua? Kamaiuai mani karaoani baika I aki atai b'a a buakaka!

Taian Areru 19:13

Kawakinai naba mani karaoani baika I atai b'a a bure; Tai kariaia b'a a na tautaeka i aou. Ao N na riki ni moan te raoiroi Ao N na kamaiuaki mani buakakan te bure.

Te Minita 5:6

Ke e tai karekeko wiim n te kaangaanga! Ao ko na aki kaangai nakon te tia kaira te taromauri, “Kai I bon taetae ni manikangare.” E konaa te Atua ni kamaunai am b'ai ni kabane aika ko a tia ni karekei n am m'akuri, ma ngaia ae, ko na aki taekina te b'ai teuana ae e na un iai te Atua.

Nakoaia Ibonga 22:14

Tabeman akana a kanna n aki ataia, a na katuaaeaki b'a a na kab'aka boona ni ikotaki ma uabwi te katebubua.

Nakoaia Ibonga 4:1

Aikai tuua ake E anga te UEA nakon Moote

Nakoaia Ibonga 4:13

Ngkana arona b'a ai bon te botannaomata ae Iteraera ae bure n urua ana Tua te UEA teuana n tiaki nanoia,

Nakoaia Ibonga 4:22

Ao ngkana arona b'a e reke n te bure te tia tautaeka n urua ana Tua te UEA teuana n tiaki nanona,

Nakoaia Ibonga 4:27

Ao ngkana bon te aomata n aki akaaka ae bure n urua ana Tua te UEA teuana n tiaki nanona, ao ni bon te tai naba are e ataa iai ana bure anne,

Warekaia Iteraera 35:11

ao kam na rinei taiani Kaawa ni Kamauri, ike e na kona ni birinako ni karabaa iai te aomata ae tiringa te aomata temanna n tiaki nanona.

1.Timoteo 1:13

Bon te tia taetaebuaka ngai ngkoa, te tia b'ainikirina te aba, ao te tia iowawa; ma I nanoangaki, i bukina ngke I karaoi arou akanne ma te roo n nano b'a I tuai n onimaki.

Ebera 5:2

Ngkai a bati naba mamaran te ibonga ae kakannato ao bon iai ana kona n nanoangaia akana karaoi m'akuri aika kairua i bukini babangaia;

Ebera 9:7

ma ti te ibonga ae kakannato ae rin nako n te tabo are moanibaan te tabu; ao ti teuana ana tai ni karaoa aei n teuana te ririki, ao uotana ni katoa tai te raraa ae e na anga bon i bukina, ao i bukin naba aia bure aomata.

Iakobo 3:10

E oti nako te taetae ni kakab'aia ma ni karereanti naba man te wii ae ti teuana. Tariu, a bon aki riai baikai.

1.Tamuera 14:27

Ao Ionatan e aki ataa ana kamaraia Tauro nakoia ana tautia. Ma ngaia are, e kotea ana karewe te manibeeru n tabon okona ao e anaia ni baina ni kanna. Ao e a manga rin korakorana ma angin nanona nakon te buaka.