Nakoaia Ibonga 4:11 - Te B'aib'ara

¹¹ Ma e na ana kunna, ma irikona ni kabane, ma atuuna, ma rangana, ma b'ain nanona, ma kanoannanona,

Nakoaia Ibonga 4:11 ပူးပေါင်းရင်းမြစ်များ

Taian Areru 103:12

Raroani mainiku mai maeao, kanga ai aron raroan ara bure ni kam'awaki mai roura iroun te UEA.

Te Otinako 29:14

Ma a na riai ni kabuokaki i tinanikun aia maeka te iriko ni man, te kun, ao te am'arake are tiku i nanon biroton te kaomm'aane b'a te angab'ai i bukin te buubuti kab'araan aia bure ibonga.

Nakoaia Ibonga 16:27

A na uotaki nikiran b'ain te kaom'aane ao raraan te kooti are e uotaki raraana nakon te tabo are Moan te Tabu, ao e na manga uotaki ni kaotinakoaki i tinanikun te maeka ma ni kabuokaki.

Nakoaia Ibonga 4:10

E na anaa te nenea te ibonga ao e na kabuokia i aon te baonikarea are kakamanenaaki i bukin kabuokan taiani karea, kaanga ai aron naba are e karaoia nakon te man are e tiringaki i bukin te Karea n Raoi.

Nakoaia Ibonga 4:21

Ao i mwiina, e na uotaanako te kao nako tinanikun te kaawa, ao e na kabuokia ikanne n ai aron are e karaoia naba nakon te kao are te karea, are bon i bukin kab'araan ana bure. Ao ai anne ngkanne te angakarea i bukin kab'araan aia bure aomata.

Nakoaia Ibonga 6:30

Ma ngkana e uotaki te raraa nakon te Um'antabunrianna, ao e na kabonganaaki i bukin kab'araan buure, ao e na aki kanaki te man anne, ma e na kabuokaki ni kabane rab'atana.

Warekaia Iteraera 19:3

Ao Moote, e na manga uoti nakon Ereata are te ibonga, ao i mwiina, e na kairaki nako tinanikun te maeka, ao e na tiringaki i matan Ereata.

Warekaia Iteraera 19:5

Ao i mwiin anne, e na kabuokaki rab'atan te kao ni kabane, n ikotaki ma kunna, irikona, raraana, ao b'ain nanona.