Nakoaia Ibonga 3:8 - Te B'aib'ara

⁸ ao e na katokaa baina i atuun ana karea, ao e na tiringnga i matan te Um'antabunrianna. Ao a na tatauriia rarikin te baonikarea ake aua ibonga n te raraa,

Nakoaia Ibonga 3:8 ပူးပေါင်းရင်းမြစ်များ

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Nakoaia Ibonga 1:11

Ao e na tiringnga n tanimeangin te baonikarea, ao a na tatauriia koonan te baonikarea ake aua ibonga n te raraa.

Nakoaia Ibonga 1:4

E riai ni katokaa baina te aomata anne i aon atuun ana karea, ao e na butim'aea te karea anne te UEA, b'a te karea ni kab'arabure.

Nakoaia Ibonga 1:5

E na tiringaki te kao m'aane ikanne i matan te UEA, ao e na uotaki te raraa nakon te UEA irouia ibonga ake natin Aaron, ao a na tatauriia koonan te baonikarea ake aua n te raraa, are te baonikarea are tei i mataroan te Um'antabunrianna.

Nakoaia Ibonga 3:13

ao e na katokaa baina i aon atuun ana man ao e na tiringnga i matan te Um'antabunrianna. Ao a na tatauriia koonan te baonikarea ake aua ibonga n te raraa.

Nakoaia Ibonga 4:15

A na katokai baiia taan kairiiri man te bootaki n Iteraera i aon atuun te man arei, ao e na tiringaki ikekei.

Nakoaia Ibonga 4:24

E na katokai baina i aon atuun ana karea, ao e na tiringnga n tanimeangin te baonikarea, n te tabo are a titiringaki iai maan i bukin te karea ni kabuokaki. Bon aio te karea i bukin kab'araan bure.

Nakoaia Ibonga 4:4

E na uota ana kao anne nako mataroan te Um'antabunrianna, ma ni katokaa baina i aon atuun te man, ao e na tiringnga ikanne i matan te UEA.

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

2.I-Korinto 5:19

Tera ae ti nanonna b'a te Atua irouni Kristo, E raoiakiniia kaain aonnaba nako Ina, n aki tau mwin aia bure; ao E mwiokoira n taekan te raoi.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Ebeto 2:18

I bukin te baere E karaoia Kristo, ao ngaira aika I-Iutaia ma aika tiaki I-Iutaia ti a kona n roko i matan te Atua iroun te Tamnei ae ti temanna.

I-Ebeto 3:12

Ngkai ti reitaki ma Kristo, ao ngkai ti onimakinna, ao ti ninikoria ni kawara te Atua ma te aki nanokokoraki.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.