Nakoaia Ibonga 3:3 - Te B'aib'ara

³ ao a na uoti b'ain nako te karea n raoi nakon te UEA b'a te karea ni kabuokaki: ni kabane taian nenea ake i aon te kanoannano,

Nakoaia Ibonga 3:3 ပူးပေါင်းရင်းမြစ်များ

Taian Areru 119:70

Akea aia atatai aomata aikai, ma I kakukureiaki n am Tua.

Te Otinako 29:13

I mwina, anaa te nenea mai rarikin te man, ao ai uana naba m'akoron te ato are mai nano ao taian kirine ma neneaia, ma ni kabuoki i aon te baonikarea.

Te Otinako 29:22

Bon kanoan naba te katabutabu te tiibu mm'aane aei. Ma ngaia are, kanakoi rangana akana mai buki.

Taeka n Rabakau 23:26

Natiu te m'aane, kakauongo raoi, ao kukurei ni katotoongai.

Itaia 6:10

“Karaoaia aomata aikai b'a a na taningabono! bonoti taningaia, rabun mataia, karaoaia b'a a na aki ataa te b'ai teuana. Tai katanimaia nako iu b'a a na kamaiuaki.”

Etekiera 36:26

N na kanakoi nanomi aika a matoatoa ao N na anganingkami nanomi aika a boou ao n tangira te kakaonimaki. E na ti reke iroumi te iango aika a itiaki,

Etekiera 44:15

A kakaonimaki nako iu ibonga ake man te baronga are Rewi ake kanoan Tatoka are te ibonga are e kakaonimaki nako iu, ngke a bane n tan nako mairou Iteraera. Ma ngaia ae, a na teimatoa n riki b'a Au ibonga aikai ao a na anga te nenea ao raraan te karea.

Nakoaia Ibonga 1:12

Ao e na anai b'aina nako te ibonga i mwiin korokoreana iroun te aomata, ao e na katokai i aon te ai, n reitaki naba ma atuuna ao neneana.

Nakoaia Ibonga 1:8

Ao a na katokai m'akorokoron taian iriko, ma te atu ma te nenea i aon te baonikarea.

Nakoaia Ibonga 16:25

E na waerake bubun nenean taiani karea aikai i aon te baonikarea te buraonti.

Nakoaia Ibonga 3:16

E na kabuoki baikai ni kabane te ibonga i aon te baonikarea b'a te karea are te am'arake ae kakukureia te UEA. Ana b'ai te UEA taian nenea ni kabane.

Nakoaia Ibonga 3:2

E na katokaa baina te aomata i aon atuun ana man are te karea, ao e na tiringnga i matan te UEA i mataroan ana Um'antabunrianna. Ao a na tatauriia koonan te baonikarea ake aua ibonga ake natin Aaron n te raraa,

Nakoaia Ibonga 3:4

ma taiani kirine naba ake a nim i aona, ao b'ain nako te ato aika raraoi.

Nakoaia Ibonga 4:10

E na anaa te nenea te ibonga ao e na kabuokia i aon te baonikarea are kakamanenaaki i bukin kabuokan taiani karea, kaanga ai aron naba are e karaoia nakon te man are e tiringaki i bukin te Karea n Raoi.

Nakoaia Ibonga 7:30

ao e na uoti n oin baina b'a te karea are te am'arake. E na riai ni uota nenean te man ma b'aab'aana ma n tabekiarake b'a te karea are te b'aintangira ae kaokoroaki nakon te UEA.

Nakoaia Ibonga 7:5

E na riai te ibonga n kabuoki taian nenea ni kabane i aon te baonikarea b'a te karea are te am'arake nakon te UEA. Bon te karea ni kabomwi.

Nakoaia Ibonga 9:10

Ao i mwiina, e kabuoka te nenea, te kirine, ao m'akoron te ato ake a raraoi i aon te baonikarea, n aron ana Mwioko te UEA nakon Moote.

Mataio 13:16

Ma a kab'aia matami b'a a noraba; ao taningami b'a a ongo!

Mataio 15:8

“A karineai aomata aikai n aia taeka, ma a raroa nako nanoia mai Rou;

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.

I-Rom 6:6

B'a ti ata aei: b'a e tauraki aomatara nikawai i aon te kaibangaki ma Ngaia, b'a e aonga ni kamaunaki te rab'ata ae bure, b'a ti na aki manga toronaki n te bure.

Te Tua-Kaua 30:6

Kam taningabono ma kanoami, ma E na karaoingkami te UEA b'a kam na kukurei n ongotaeka nakoina, ma n tangiria ma nanomi ao tamneimi ni kabane, ao kam na kukurei ma n ab'ab'aki maiumi.

1.Tamuera 2:15

Ao n taai tabetai ngkana a anga karea aomata, ao e roko te tia m'akuri, e ngae naba ngkana e tuai korokoreaki te karea ao e tuai naba anga te aba te karea nakon te UEA.