Nakoaia Ibonga 3:17 - Te B'aib'ara

¹⁷ Bon akea temanna te Iteraera ae na kana te nenea ke te raraa: bon aio te tua ae a na kakawakinna Iteraera ni kabane n taai nako, ao n taabo nako ike a maeka iai.

Nakoaia Ibonga 3:17 ပူးပေါင်းရင်းမြစ်များ

Karikani B'aai 9:4

Te b'ai teuana ae kam aki riai ni kanna, bon te iriko ni man ae iai te raraa i nanona. I katabua te b'ai aei i bukina b'a e mena te maiu i nanon te raraa.

2.Rongorongo 29:35

I rarikin taian karea ake a kabuokaki i aon te baonikarea, ao a kabuokaki naba nenean taiani man ake taian karea ake tabeua, ao a kab'aroaki taian angab'ai ake taian wain i aon te baonikarea. Ma ngaia are e a manga moanaki kamanenaan te Tembora i bukin taromaurian te UEA.

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Te Otinako 27:21

i matan te keeten are e kaokoroa te tabo are e tabu ma te tabo are moan te tabu, are kaawakinaki iai te Atiniberita. Tabeia Aaron ma natina mm'aane kaakauraan te taura ni katoa tairiki i nanon te Um'antabunrianna. A riai Iteraera n ongotaeka nakon te mwioko aei.

Te Otinako 28:43

A na riai ni karin aia kawaerake kororo aikai, ngkana a rin n te Um'antabunrianna ke ni m'akuri n te baonikarea ngkana a rin n te Tabo are e Tabu, b'a a kaawa n reke n te bure ao a mate. E na b'ainaki naba te tua aei nakoia aia kariki nako akana a m'akuri b'a ibonga ngaiia.

Etekiera 33:25

Ma ngaia are, ko na tuangiia te b'ai ae I taekinna ni kaangai: Kam na kangaa n taku b'a bon abami naba ngkai te aba aei? Kam am'arake ma te raraa iai ao kam taromauri taiani bouannanti. Kam tiriaomata

Etekiera 44:15

A kakaonimaki nako iu ibonga ake man te baronga are Rewi ake kanoan Tatoka are te ibonga are e kakaonimaki nako iu, ngke a bane n tan nako mairou Iteraera. Ma ngaia ae, a na teimatoa n riki b'a Au ibonga aikai ao a na anga te nenea ao raraan te karea.

Etekiera 44:7

E a tia ni kamatauningaaki au Tembora, i bukina ngke kam a tia ni kariaia ianena aika akea atuaia, aika a taningamatoa b'a a na roko ikai i nanon tain te anga karea nako iu. Kam a tia ni bure ma n tia n urua ara boraraoi ae e matoa.

Nakoaia Ibonga 10:15

A na riai ni uota rangan te man ake mai buki ao te rinikaokao n te tai are e kaotaki iai te karea are te am'arake nakon te UEA. Bon ami b'ai taiani m'akoro aikai ma natimi n aki toki, n aron ana mwioko te UEA.”

Nakoaia Ibonga 10:9

“Kam na aki rin n ana Um'antabunrianna te UEA i mwiin mooimi n te wain ke te biia; ngkana kam karaoa anne, kam na boni mate. Bon aei te tua ae riai ni kaawakinaki irouia ami kariki ni kabane.

Nakoaia Ibonga 16:29

Ni katebwinan bongin te kaitiua n nam'akaina: kam na aki am'aam'arake ni kaota nanokawakimi i bukin ami bure, bon akea temanna, n reitaki naba ma Ianena akana a maeka i buakomi, ao akea naba temanna ae kariaiakaki ni m'akuri.

Nakoaia Ibonga 16:34

Kam na riai ni bukamarua te bong aei ni katoa ririki b'a boni Bongin Te Kab'ara Bure i bukin aia bure Iteraera ni kabane. E karaoi raoi b'aai ni kabane ake e tuangaki Moote iroun te UEA.

Nakoaia Ibonga 17:7

E riai ni kakaonimaki te I-Iteraera n toki man titiringan ana karea are e kaakarean nakon antin te kooti. E na kawakina te tua aei te I-Iteraera ni karokoa taai aika a na roko.

Nakoaia Ibonga 19:26

Tai kana irikon man aika kawakawa n aki akaaka. Tai karaoi m'akuri n tabunea.

Nakoaia Ibonga 23:14

Boni ngai Atuami, ao I ribaingkami ni kana te uaanikai ae e uangingi ae e boou, ke te b'ai teuana ae e karaoaki mai iai, ma ti ngkana kam a tia n anganai moa te karea aei. E na tai bitaki te tua aei. E taku te UEA:

Nakoaia Ibonga 23:21

Aio bon te bongi n runga ma n taromauri, ae te tai ni motirawa man ami m'akuri. Ngkami ma kanoami kam riai n ongotaeka nakon te tua aei.

Nakoaia Ibonga 24:3

Ni katoa tairiki ao Aaron e na kauraa te taura aei ni karokoa e ngaina i matan te UEA, i tinanikun rokin te Atiniberita, are e mena n te ru are moan te tabu.

Nakoaia Ibonga 24:9

Te kariki aei n taai nako bon ana kariki Aaron ma ana utu; e bon rangi n tabu i bukina b'a e kareanaki nako Iu, ao e riai ni kanaki n te tabo are moan te tabu.

Nakoaia Ibonga 3:16

E na kabuoki baikai ni kabane te ibonga i aon te baonikarea b'a te karea are te am'arake ae kakukureia te UEA. Ana b'ai te UEA taian nenea ni kabane.

Nakoaia Ibonga 4:1

Aikai tuua ake E anga te UEA nakon Moote

Nakoaia Ibonga 6:15

Ao e na abuta te abutana te buraawa, ao b'aan te oriwa, ao te b'ai ni kaboiarara are e kaakabubuaki are e toka i aona, ao e na kabuoki i aon te baonikarea b'a kaanga ai rab'atan naba te karea ni kabane nakon te UEA. E rangi ni kakukureia te UEA boiararan te karea aei.

Nakoaia Ibonga 6:18

Ao e na teimatoa n riki b'a tib'angaia kanoan Aaron aika m'aane te am'arake are te karea nakon te UEA. Ao ngkana iai ane e riinga te am'arake are te karea, ao e na raaka iai i bukina ngke e tabu.

Nakoaia Ibonga 6:22

Ao e na teimatoa n riki aei b'a tib'angaia kanoan Aaron ake taian ibonga. E na kabuokaki ni kab'aninaki nakon te UEA.

Nakoaia Ibonga 7:23

i bukiia Iteraera, Akea nenean te kao, te tiibu, ke te kooti ae na kanaki.

Nakoaia Ibonga 7:34

Bon te b'aintangira ae e onoti b'aab'aan te man, ao rangana te angaatai bon te buoka are E a tia n anaia te UEA mairouia Iteraera ma n anganiia ibonga. Aio te b'ai ae a riai Iteraera n anga nakoia ibonga n taai nako ni boong aika a na roko.

Nakoaia Ibonga 7:36

E mwiokoia Iteraera te UEA n te bong arei b'a a na anganiia m'akoron te karea aei. Bon te tua ae a riai Iteraera n ongotaeka nako iai n taai nako ni boong aika a na roko.

Warekaia Iteraera 19:21

A na bon aki manga bitaki tuua aikai. E na uati naba kunnikaina te aomata are tatauringkami n te ran are renganaki ma te mannang ngke kam kam'ara. Ao ngkana iai ae riinga te ran, e na bon kam'ara naba iai ni karokoa te tairiki.

Mataio 16:24

E taku ngkanne Iesu nakoia ana reirei, “Ngkana iai ane kan ri mwiu, ao e na kakeaa i bon i rouna, e na uota ana kaibangaki, ao e na irirai.

Mataio 26:28

B'a aei raraau, ae raraan te boraraoi, ae kawawaeaki i bukiia aomata aika bati i bukini kab'aran aia bure.

M'akuri 15:29

kam na aki kang am'arake ake a tia ni kareanaki nakoni bouananti; kam na aki kang raraa; kam na aki kana te man ae tiringaki ni konaaki roroana; ao kam na aki wene ni bure. Ngkana kam kararoaingkami mani baikai ao kam karaoa ae kam na kab'aia iai. Ara katekeraoi nako imi.

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

I-Ebeto 5:26

E karaoa aei b'a E na katabua te ekaretia i bukin te Atua n ana taeka, n tebokia ni kaitiakia n te ran,

Te Tua-Kaua 12:16

ao kam kona ngkanne n tiringa temanna b'a kanami n te tabo are kam maeka iai.

Te Tua-Kaua 12:23

Ma kam na aki kana te raraa.

Te Tua-Kaua 12:24

B'a boni maiun te man, ma ngaia are, kam na katinakoa nakon te tano i m'aain kanakin te iriko.

Te Tua-Kaua 15:23

Ma kam na bon aki kana raraan te man, katinakoa raraana nako aon tano.

Te Tua-Kaua 32:14

A karekei taian miriki ma taiani b'ata ami nanai ni kao ao ami nanai n tiibu, ao kam rinerinea kanami te iriko maiu ao a reke kanami iriko aika rangi n raraoi mairouia ami tiibu ma ami kooti ake a am'am'arake n uteuten Batian. Te naani kabanea n tamaroa ami uita ao kam mooi n te wain ae te kabanea n raoiroi.

1.Timoteo 4:4

B'a a bane n raraoi baika karikaki iroun te Atua, ao akea te b'ai teuana ae na kakiaki, ngkana e anaaki ni katituaraoaki te Atua iai,