Nakoaia Ibonga 3:16 - Te B'aib'ara

¹⁶ E na kabuoki baikai ni kabane te ibonga i aon te baonikarea b'a te karea are te am'arake ae kakukureia te UEA. Ana b'ai te UEA taian nenea ni kabane.

Nakoaia Ibonga 3:16 ပူးပေါင်းရင်းမြစ်များ

Karikani B'aai 4:4

Ao e a manga uota ana tiibuteteei ae te moani bungiaki teuare Abera, ao e tiringnga, ao e anga m'akorona ake a raraoi b'a ana karea. Ao E kukurei te UEA iroun Abera i bukin ana karea,

2.Rongorongo 29:35

I rarikin taian karea ake a kabuokaki i aon te baonikarea, ao a kabuokaki naba nenean taiani man ake taian karea ake tabeua, ao a kab'aroaki taian angab'ai ake taian wain i aon te baonikarea. Ma ngaia are e a manga moanaki kamanenaan te Tembora i bukin taromaurian te UEA.

2.Rongorongo 7:7

Ao ni bon te bong naba arei, ao e katabua te katawanang Toromon are i matan te Tembora ao e katauraoia i bukin kabonganakina i bukin te taromauri. E bon rangi ni uarereke te baonikarea are te buraati are e a tia ni karaoia, ma ngaia are, e kabonganaa katawanangin te Tembora i bukin te anga karea are kakukureian te UEA ao te karea are te uita, n reitaki naba ma bubun nenean te man ni karea ake tabeua.

Te Otinako 29:13

I mwina, anaa te nenea mai rarikin te man, ao ai uana naba m'akoron te ato are mai nano ao taian kirine ma neneaia, ma ni kabuoki i aon te baonikarea.

Te Otinako 29:22

Bon kanoan naba te katabutabu te tiibu mm'aane aei. Ma ngaia are, kanakoi rangana akana mai buki.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Etekiera 44:15

A kakaonimaki nako iu ibonga ake man te baronga are Rewi ake kanoan Tatoka are te ibonga are e kakaonimaki nako iu, ngke a bane n tan nako mairou Iteraera. Ma ngaia ae, a na teimatoa n riki b'a Au ibonga aikai ao a na anga te nenea ao raraan te karea.

Nakoaia Ibonga 17:6

Te ibonga e na anaa raraan te karea, ao e na tatauriia rarikin nako te baonikarea are i mataroan te Um'antabunrianna, ao e na kabuoki kiriitina iai b'a e aonga n arokaki te boi ae e boiarara iroun te UEA.

Nakoaia Ibonga 4:26

Ao e na manga kabuoki taian nenea ni kabane i aon te baonikarea n ai aron naba kabuokan nenean te man are e tiringaki i bukin te karea n raoi. Ao anne ngkanne aron te ibonga n anga te karea i bukin kab'araan ana bure te tia tautaeka, ao e na kab'araaki iai ana bure.

Nakoaia Ibonga 4:31

Ao e na kanakoi taian nenea ni kabane, n ai aron naba kanakoakin nenean te man are tiringaki i bukin te karea n raoi, ao e na kabuokaki i aon te baonikarea b'a te karea ae boiarara nakon te UEA. Ao ai anne ngkanne aron te ibonga n anga te karea i bukin ana bure te aomata, ao e na kab'araaki ana bure.

Nakoaia Ibonga 8:25

Ao e anaa te nenea, nenean aon te kanoannano ni kabane, ma b'ain nako te ato aika a raraoi, ma taian kirine, ma nenean aona, ao rangan te man are te atai are mai buki.

Nakoaia Ibonga 9:24

Ao E kanakoa te ai te UEA n te tai ae e karina, ao e kamannangii karea ni kabuokaki ma m'akoron te man ake a nenea ake i aon te baonikarea. Ao ngke a noora arei aomata, a bane n takaarua ao a bobaraaki ni kabo mataia ma aontano.

Mataio 22:37

E taku Iesu nako ina, “Ko na tangira te Uea ae Atuam n nanom ni kabanea, ao ni maium ni kabanea, ao ni wanawanam ni kabanea.”