Nakoaia Ibonga 3:1 - Te B'aib'ara

¹ Ngkana iai ane e anga temanna ana man mai buakon ana nanai ni kao b'a te Karea n Raoi, ao e na riai n anga te kao m'aane ke te kao aine ae akea toabuakan rab'atana.

Nakoaia Ibonga 3:1 ပူးပေါင်းရင်းမြစ်များ

1.Rongorongo 21:26

E katea te baonikarea Tawita ao e anga karea i bukin kakukureian te UEA E tataro Tawita, ao e kaeka te UEA ni kanakoa te ai mai karawa nako aon te baonikarea.

Te Otinako 20:24

Kam na karaoa te baonikarea man te tano i buku, ao kam na kabuoka i aona te karea ae ami tiibu, ao ami kao b'a ami karea ae na kabuokaki ni kabane b'a taiani karea n raoi. N na bon kawaringkami ni kakab'aiaingkami n taabo ni kabane ake I a tia ni katabui b'a ami tabo n taromauri.

Te Otinako 24:5

E bon kanakoia naba tabeman rorobuaka b'a a na kabuoka te angab'ai ao te karea are te kaomm'aane b'a te raka n angab'ai nakon te UEA.

Te Otinako 29:28

ao e na aranaki te irikoniman b'a au b'ai, ma e na riai ni kanaki irouia ibonga. E na aki manga bitaki te tua aei.

Taeka n Rabakau 7:14

“N na anga au karea ao e rangi ni m'aiti nikiran te iriko ni man i bukin te baka n am'arake.

Etekiera 43:27

Ao mai i mwiin te tai anne, a na kabonganaa te baonikarea aei ibonga n anga te karea are kakukureiau ao te karea i bukin te buubuti Au kakab'aia. Ao ane N na kukurei irouia Iteraera. Bon aei Au taeka Ngai ae te UEA ae te Atua.

Etekiera 45:15

A na kamanenaaki taian angab'ai aikai b'a te karea are te uita, ao ai uana naba ma te karea are kakukureiau ao koraki akana a buubuti Au kakab'aia. N na kukurei Ngai ae te UEA n taian karea aikai ao N na kab'arai aia bure Au aomata.

Nakoaia Ibonga 1:10

Ngkana iai ane e na anga ana tiibu ke ana kooti, ao e riai n anga te m'aane ae akea toabuakan rab'atana.

Nakoaia Ibonga 1:3

Ngkana iai ane e na anga ana man temanna man ana nanai ni kao b'a te karea are kakukureiau, i aon te baonikarea are te buraonti ao e riai n anga ana kao te m'aane ae akea toabuakan rab'atana. E na uotia nakon te UEA i mataroan ana Um'antabunrianna te UEA, b'a e aonga ni butim'aeaki iroun te UEA.

Nakoaia Ibonga 17:5

Nanon te karea aei b'a kaain Iteraera ngkai a nangi toki man tiringakin aia karea n taabo ake i tinanikun mataroan te Um'antabunrianna. A nang uoti nakon te ibonga i mataroan te Um'antabunrianna, ao a na tiring b'a te naan karea n raoi.

Nakoaia Ibonga 3:6

Ngkana iai ane e na kamanena te tiibu ke te kooti b'a ana Karea n Raoi, ao e na riai n anga te m'aane ke te aine ae akea toabuakan rab'atana.

Nakoaia Ibonga 9:18

E tiringa te kaom'aane ao te tiibu te m'aane b'a te karea n raoi i bukiia aomata. Ao a uota te raraa natina m'aane nako ina, ao e tataara iai iteran te baonikarea ake aua.

Nakoaia Ibonga 9:4

ao te kaom'aane ma te tiibu m'aane b'a te karea n raoi. A na riai n anga b'a aia karea nakon te UEA n reitaki ma te karea are te uita ae e renganaki ma b'aan te oriwa. A na riai ni karaoa aei i bukina b'a E na kaoti te UEA n te bong aei.”

Amota 5:22

Ngkana kam uoti nako iu ami karea ni kabuokaki ma ami karea ni uita, N na bon aki butim'aai; N na bon aki naba butim'aai ami man aika kamarikaaki b'a ami karea nako iu.

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Maraki 1:8

Kam bon aki ataia b'a e bure kareanakin taiani man aika a mataki, m'auku, ke a aoraki? Ao ngkana ngaia kam na ti kataia n anga taiani man aikai nakon te koowana. Ni koauana e na bon aki kani kukurei ke ni buokingkami.

Warekaia Iteraera 15:8

Ngkana e kareanaki te kaomm'aane b'a te karea are kakukureiau, ke i bukin butiakiu Au kakab'aia,

Warekaia Iteraera 6:14

ao ko na anga teniman te man aika akea toabuakan rab'ataia. Ko na anga te tiibuteteei ae teuana ana ririki ni maiu i bukin te karea are kakukureiau, ao te tiibu te teei ae te aine i bukin te bure, ao te tiibu te teei ae e a ikawai b'a te karea i bukin bubutiakiu au kakab'aia.

Warekaia Iteraera 7:17

ao i bukin te karea n raoi, uoman te kao, niman te tiibu mm'aane, niman te kooti mm'aane, niman te tiibu te teei aika mm'aane aika tatabeua aia ririki, bon ana anga karea Nation are natin Amminataba.

Warekaia Iteraera 7:59

ao i bukin te karea n raoi, uoman te kao, niiman te tiibu mm'aane, niiman kooti mm'aane, niiman te tiibu te teei aika mm'aane.

Te Tua-Kaua 12:27

Ngkana kam anga karea i bukin kakukureian te UEA, ao a na bane ni kabuokaki taian iriko i aon te baonikarea. Kam kona ni kang iriko n aekaki ni karea nako, ma kam riai ni katiinakoi raraaia maan i aon te baonikarea.

I-Korote 1:20

ao bon nanona naba b'a E na raoiakini b'aai ni kabane nako Ina i Rouna, aika i aon te aba ma ake i karawa; ao E karaoa aei ni maten Natina i aon te kaibangaki.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

1.Ioane 1:3

are ti a tia n noria ma n ongo, ao ti taekinna naba nako imi; b'a kam aonga n uaia ni buokanib'ai iai ma ngaira, n ai aron are ti buokanib'ai iai ngaira ma te Tama ao Natina are Iesu Kristo.

Tani Motiki-taeka 20:26

Ao a nakon te tabo n taromauri Iteraera i Betaera, te tabo ike e kaawakinaki iai te Atiniberita. A tekateka i aon tano, ao a tang ma n aki am'arake ni karokoa te bong. Ao ngke e nang bung taai, ao a angakarea nakon te UEA ao a bubutiia Ana kakab'aia. Ao e tataro Bineati are te ibonga ni kaangai, Ara UEA, bon ara koraki kaain te baronga are Beniamin. Ti nang katoka buakanakiia, ke ti na buakaniia riki? Ao E taku te UEA, Buaka, ao N na katokanikaingkami nakon te ingabong.

Tani Motiki-taeka 21:4

Ao n te ingabong are i mwiina, ao a karaoa te baonikarea Iteraera ao a anga aia karea are kakukureian te UEA ma ni bubutiia Ana kakab'aia.