Nakoaia Ibonga 27:30 - Te B'aib'ara

³⁰ Tebwina te betienti man uaan ami tai ni kabane aika kam karekei man kaai n am'arake aika a riki i nanon ami tawaana, ke aika arokami a bon tabu ao bon au b'ai.

Nakoaia Ibonga 27:30 ပူးပေါင်းရင်းမြစ်များ

Karikani B'aai 14:20

E na neboaki te Atua ae Moan te Rietaata are E anganiko te tokanikai i aoia am kairiribai.” Ao Aberam e angan Merekitereka teuana te katebwina man b'aai ake e uoti rikaaki man te buaka.

Karikani B'aai 28:22

E na riki te atiibu ae I kateia aei b'a te tabo i bukin taromauriakim, ao N na anganiko te katebwina ni m'akoro man au b'ai ni kabane.”

Karikani B'aai 47:24

Ao ngkana e roko tain te tai, ao kam na anga kanimam'akoron ami tai nakon te uea, ao kam kona ni kabongana nikiran ami ati, b'a kanami ma ami utu.”

Karikani B'aai 47:26

Ma ngaia are, e karaoa tuan te aba are Aikubita Ioteb'a ae e na b'aini kanimam'akoron taian tai te uea.” Ao e boni b'ainaki naba ni boong aikai te tua aei. Bon ti abaia ibonga ae aki b'ainna te uea.

2.Rongorongo 31:12

ao a na uotaki nako iai nikiran taian angab'ai. Ao i mwiina, a rinea Konania are kanoan Rewi Etekia ma Ataria b'a e na tararuai taian ruunib'ai akekei.

Neemia 12:44

A rineaki tabeman taani kairiiri b'a taani kaawakin taian b'aintangira i bukin te Tembora ao taan butim'aai moan uaan te tai ao kabwianib'ai man taian uita ao man taiani man ake a anga aomata nakon te Atua n te bong naba arei. Bon taan kairiiri naba aikai ake a riirikoi taian uita ake a taekinaki n ana Tua Moote b'a a na anganaki kanoan Rewi. A bane ni kukurei aomata n aia m'akuri ibonga ma kanoan Rewi.

Neemia 13:12

Ao i mwiin aei, ao a bane kaain Iuta ni uoti taian kabwianib'ai man aia uita, wain, ao aia b'aa n oriwa nakon ana ruunib'ai te tembora.

Neemia 13:5

Ma ngaia are, e a manga kamaekaa Tobia n teuana mai buakon ru aikai, ike a tia ni kaawakinaki iai aekaki ni b'ai nako-te angab'ai are te uita, b'ai ni kaboiarara, b'ai n am'araken te Tembora, ao ai uana naba ma kabwianib'ai man te uita, wain, ao b'aan te oriwa ake a tia n anganaki irouia kanoan Rewi ake taan anene, ao taan teiakina te tembora, ao taian b'aintangira i bukiia ibonga.

Nakoaia Ibonga 27:29

E ngae n anne, ma aomata ake a tia ni beritanaki nako Iu n aron aei a na boni kamateaki.

Nakoaia Ibonga 27:31

Ngkana kam kani kabooa rikaaki m'akoron tabeua mani uaan ami tai, ao kam kona ni kabooa ni boni boona ao n raonna n tebwina te betienti.

Mataio 23:23

A na reke kaimi, taani koroboki ma B'aritaio, aika taani m'am'ana-te-aba! B'a kam angaanga teuana te katebwina ni m'akoro mani m'aitin ami b'ai are te minte ma te aneto, ma te kumino, ao kam katiku taekani b'aai aika kakannato n taekan te Tua, n ai aron te kaeti raoi taekani b'aai, ma te nanoanga, ma te kakaonimaki nakon ana kaantaninga te Atua.

Ruka 11:42

Ma a na reke kaimi B'aritaio! B'a kam anganga teuana te katebwina ni m'akoro man aroka aika te minte, te rue, ao aroka aika boiarara baaia, ao kam aki karaoa nanon te eti ma ana tangira te Atua; baikai aika kam riai ni karaoi, n aki kaaki taekaia akekei.

Ruka 18:12

I aki mamatam uoua te tai n te wiiki, ao I anganga teuana te katebwina ni m'akoro mani b'aai ni kabane aika reke i rou.”

Te Tua-Kaua 18:8

Tao a na kona n reke aia m'aane kanoan Rewi tabeman man kabonakoakin aia b'ai te utu teuana ma teuana, ao tao e aki reke irouia ake tabeman. Ma kanoan Rewi ni kabane ake a m'akuri n te tabo n taromauri, a na reke kanaia ae boraoi m'aitina i marenaia man te am'arake are man taiani karea ma b'aintangira ake a uotaki mairouia aomata.

Te Tua-Kaua 26:12

Kam na anga teuana te katebwina ni m'akoro man uaan ami tai ni katoa ririki nakon te UEA. Ma kam na anga teuana te katebwina mani m'akoron uaan ami tai n te katenua n ririki nakoia aika kainano aika maeka n ami kaawa, n reitaki naba ma kanoan Rewi, iruwa, ataei aika akea aia karo, ao aine aika mate buuia. B'a a na reke kanaia ae tau n te aro anne.