Nakoaia Ibonga 26:9 - Te B'aib'ara

⁹ N na karaoa te aeka n akoi aei nakoimi b'a a aonga n rikirake ni korakora ami botannaomata, ao N na kawakina naba au berita ma ngkami.

Nakoaia Ibonga 26:9 ပူးပေါင်းရင်းမြစ်များ

Karikani B'aai 1:28

ao E kakab'aiaia, ao E taku, “Karikiia natimi aika m'aiti, b'a a aonga ni kaona te aonnaba kanoami ma n taua taekan te aonnaba. I anganingkami te tautaeka i aoia ika, mannikiba, ma maan ni kabane aika aki manana.”

Karikani B'aai 17:20

I a tia n ongo am bubuti i bukin Itimaera, ma ngaia are, I a tia ni kakab'aiaa, ma n anganna natina aika m'aiti, ma kanoana aika m'aiti naba. E na riki b'a tamaia nati n uea ake tengaun ma uoman. N na karika te botannaomata ae buubura mairouia kanoana.

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 26:4

N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki.

Karikani B'aai 28:14

A na rangi ni m'aiti am kariki n ai aron m'aitin tanon aonnaba. Ao a na rababanako abaia ni wairio, ni waerake, nakoiang, ao n nakoaiaki, ao ane a na butiai botannaomata b'a N na kakab'aiaia n ai arou ngke I kakab'aiako ma am kariki.

Karikani B'aai 28:3

E bia kakab'aiaa am mare te Atua ae M'aaka man anganiko natim aika m'aiti, b'a ko aonga n riki b'a tamaia botannaomata.

Karikani B'aai 48:4

ao E taku nako iu, ‘N na anganiko am kariki aika m'aiti, ao a na riki b'a au botannaomata; N na anga te aba aei nako ia am kariki b'a abaia n aki toki.’ ”

Karikani B'aai 6:18

N na karaoa te boraraoi ma ngkoe. Ko na rin ma buum, ao natim mm'aane ma buuia i nanon te kaibuke.

1.Uea 3:8

Ao ngkai, N na tautaekaniia am Aomata aika a rineaki, e ngae ngke a aikoa konaa ni warekaki m'aitiia.

2.Uea 13:23

Ma E ataataiaomata te UEA nakoia Iteraera ao e kaota te akoi nakoia i bukin ana berita ngkoa nakoia aia bakatibu ake Aberaam, Itaaka, ao Iakob'a. E bon tuai man tannako ke ni kariaia b'a a na kamaunaaki n tiringaki.

Neemia 2:20

Ao I taku, “Bon ana toro te Atua ae e tautaekana karawa ngaira, ao ti na bon kakororaoa ara m'akuri. Ti na manga moana katean Ierutarem, ma bon akea ami b'ai n ana b'ai nako, b'a bon akea tib'angami n rongorongona.”

Neemia 9:23

Ko kairiia nakon te aba are Ko a tia ni berita iai nakoia aia bakatibu, ao Ko kakab'aiaia aia botannaomata ma taian aomata ake a aki konaa ni warekaki m'aitiia kaanga itoini karawa.

Taian Areru 107:38

E kakab'aiaia ana Aomata ni kabatiai natiia; Ao E kawakinia aia kao b'a a na aki kerikaki m'aitiia.

Taian Areru 89:3

E taku am Taeka, “I a tia ni karaoa au boraraoi ma te aomata are I rineia; I a tia ni kab'aka au taeka nakon au toro are Tawita, ni kaangai,

Te Otinako 1:7

ma a riki rake ni m'aiti aia kariki Iteraera, ao a karikiia natiia aika m'aiti ma ni korakora ni karib'aia kaain Aikubita,

Te Otinako 2:25

ao i bukina naba ngke E ataa te b'ai ae e riki nako ia Ana aomata, ao E nanoangaiia.

Te Otinako 6:4

I karaoa te boraraoi ao I berita nako ia b'a N na anganiia te aba are Kanaan, ike a maeka iai kaanga ianena.

Itaia 55:3

Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

Ieremia 23:3

N na kaokiia ni kabane Au aomata nakon mwengaia man aaba ake I a tia ni kamaaenako ia nako iai, ao a na rikirake b'a te botannaomata ae e korakora.

Ieremia 23:4

I berita b'a N na kakaaeia taani kairiiri aika a na tararuaia kaanga taani kaawakintiibu ni koaua. A na bane ni mena au aomata ikekei, ao a na aki manga maaku n te b'ai teuana.

Ieremia 33:3

“Weteai ao N na kaekako; N na tuangko b'aai aika a kamimii aika a tamaroa aika ko tuai man atai.

Etekiera 16:62

N na kaawakina te berita ae e matoa aei, ao ko na ataai b'a bon te UEA Ngai.

Etekiera 36:9

N na tararuaingkami ni kamaraua te tano ao n uniki taiani uita ni karaabeen ami maunga aika maiu reirei.

Nakoaia Ibonga 26:15

Ngkana kam rawa n ongo n au tua ma au Kaetieti nako, ao ngkana kam urui au boraraoi,

Ruka 1:72

B'a E na kaota te nanoanga nakoia ara bakatibu; ao b'a E na uringa ana berita are raoiroi,

Te Tua-Kaua 28:11

E na anganingkami natimi aika m'aiti te UEA, ao kam na kakoauaa b'a a na bungiia natiia aika m'aiti ami man aika kawakawa. E berita ngkoa te UEA nakoia ami bakatibu b'a bon ami b'ai te aba aei, ao E na karikia b'a te aba ae korakora am'araken aona i bukimi.

Te Tua-Kaua 28:4

A na reke natimi aika bati. A na m'aiti uaan arokami n tain te tai, ao a na m'aiti naba buniia ami nanai n tiibu, nanai ni kao, ao ami nanai ni kooti.

Te Tua-Kaua 7:13

E na tangiringkami te UEA ma ni kakab'aiaingkami n anganingkami natimi, kanami, ami wain, ao b'aan te oriwa aika m'aiti. A na kariki buniia aika bati ami kao, ao ami nanai n tiibu ana karikiia tiibu teteei aikai bati naba.

Ebera 8:9

E na aki ti te bo ma te boraraoi are I karaoia ma aia bakatibu n te bong are I tauu baiia iai ni kaotinakoia man te aba are Aikubita. I bukina ngke a aki kakaonimaki nakon au boraraoi, ai ngaia anne are I aki mutiakiniia iai, bon ana taeka te Uea.