Nakoaia Ibonga 26:8 - Te B'aib'ara

⁸ e aoria ngkana tii niiman ngkami ao tebubua ngaiia, ke tao tebubua ngkami ao ngaiia tebwina tengaa m'aitiia.

Nakoaia Ibonga 26:8 ပူးပေါင်းရင်းမြစ်များ

1.Rongorongo 11:11

Te moan aomata mai buakoia taani buaka aikai bon Iatiobeam are natin Akemoni te m'aane, are bon te tia kairiiri irouia Taani Buaka aika Teniman. N te bonibuaka teuana ao e tiringiia tenibubua m'aane n ana kainiwai.

1.Rongorongo 11:20

Te tia kairiiri irouia Taani Buaka ake Teningaun bon Ioaba are tarin Abitiai, ao n te bonibuaka teuana e tiringiia tenibubua m'aane n ana kainiwai. E bon kakannato naba n aroia Taani Buaka ake Teniman

Etita 9:16

A baaireia aroia naba I-Iutaia ake n te burawinti, ao a tatauraoi nakon eekakinakoaia. A tiringiia itibwi ma nimaua te ngaa aia kairiribai i bukin kamauraia mairouia. A kamauriia i bon irouia mai irouia aia kairiribai. Ma ngaia are, a tiringiia itibwi ma nimaua te ngaa m'aitiia. Ma bon akea naba te kurib'ai ae e karaoaki.

Nakoaia Ibonga 26:7

ao N na kawakiningkami man aia buaka ami kairiribai,

Tekaria 12:8

N na kaawakina Ierutarem Ngai ae te Atua. E na bon korakora naba te aomata ae te kabanea ni mamaara ikekei n ai aron Tawita, ao e na tautaeka abanuean Tawita b'a kaanga bon Au anera ae e riki b'a ana tia kairiiri.

Warekaia Iteraera 14:9

Ma ngaia are, kam na aki rarawa nakon te UEA. Bon akea bukina b'a ti na maakuia aomata ake a maeka ikekei. E tei te UEA i bukira, ao a na bon aki kona ni kataenikaira!

Warekaia Iteraera 31:4

Kam na kanakoia kaka teuana tengaa te mm'aane man taiani baronga nako b'a a na buaka.”

Te Tua-Kaua 28:7

E na buokingkami te UEA ni kataenikaiia ami kairiribai ma ni kabirinakoia ni kauamaenakoia.

Te Tua-Kaua 32:30

E na kanga ti temanna aia tautia kairiribai ni kakioia teuana te nga tautian Iteraera? Ke a na kanga uoman mai buakoia ni kakioia tebwina tengaa aia taanga mai roura? E ti kona n riki aei ngkana E katoka Ana kakaawakin te UEA nakon Iteraera ma ni katokanikaia kairiribai.

Iotua 23:10

E kona temanna mai i buakomi ni kataenikaia tengaa te aomata, kioina ngke E berita te Atua b'a E na buaka i bukimi.

Tani Motiki-taeka 15:15

Ao e taratara nako Tamton ao e noora m'angain te aati. E bon rawaawata te m'angai arei b'a e tuai rangi ni m'au. Ao e anaia ao e oroia iai m'aanen Biritia--e tiringiia 1,000 mai buakoia.